புதுசா போட்ட ரோடு இப்படியா இருக்கும்…? காலால் பெயர்த்து எடுத்த அமைச்சர்…! என்னங்க இது…? வைரலாகும் அதிர்ச்சி வீடியோ….!!

மத்திய பிரதேச மாநிலத்தின் சாட்னா பகுதியில் புதிதாக போடப்பட்ட சாலையை ஆய்வு செய்த அம்மாநில பெண் அமைச்சர் பிரதிமா பக்ரி, அதன் தரமற்ற கட்டுமானத்தை கண்டு கடும் கோபமடைந்தார். போடி-மங்காரி பகுதியில் காரை நிறுத்திவிட்டு இறங்கிய அமைச்சர், சாலையின் ஓரத்தை தனது காலால் லேசாக மிதித்துப் பார்த்தார்.

அப்போது ஜல்லிக்கற்கள் மற்றும் தார் பெயர்ந்து கொண்டு வந்ததைக் கண்டு அதிர்ச்சியடைந்த அவர், தொடர்ந்து காலால் தேய்க்கத் தேய்க்க அந்த புதிய சாலை மிக மோசமாகச் சேதமடைந்தது. புதிய சாலையின் தரம் இவ்வளவு மோசமாக இருப்பதா என அதிகாரிகளைச் சாடிய அமைச்சர், இது தொடர்பாகப் பொதுப்பணித்துறை அதிகாரிகள் மீது கடும் நடவடிக்கை எடுக்க உத்தரவிட்டார்.

அமைச்சரே சாலையைத் தனது காலால் பெயர்த்தெடுத்த இந்த வீடியோ தற்போது சமூக வலைதளங்களில் மிக வேகமாகப் பரவி வருகிறது. அரசின் நிதியை வீணடித்து, தரமற்ற முறையில் சாலை அமைத்த ஒப்பந்ததாரர்கள் மற்றும் அதற்குத் துணையாக இருந்த அதிகாரிகள் மீது விசாரணை நடத்தவும் அவர் அறிவுறுத்தியுள்ளார்.