பொதுவாகப் பொதுமக்கள் வெளிநாட்டினரைக் காணும்போது அவர்களுடன் புகைப்படம் எடுக்க விரும்புவது வழக்கம். ஆனால், அது அந்த வெளிநாட்டினரின் தனிப்பட்ட விருப்பத்தையும், கண்ணியத்தையும் பொறுத்தது என்பதை உணர்த்தும் விதமாக ஒரு சம்பவம் நடந்துள்ளது. ரஷ்யாவைச் சேர்ந்த சமூக வலைதளப் பிரபலம் ஒக்ஸானா (Oksana) என்பவருடன் ஒரு நபர் புகைப்படம் எடுக்க முயன்றுள்ளார். அப்போது, அந்த நபர் ஒக்ஸானாவின் தோழியின் கழுத்தில் கையை வைத்துள்ளார். இது ஒக்ஸானாவிற்கு கடும் அதிருப்தியை ஏற்படுத்தியது.
View this post on Instagram
அடுத்ததாக, அதே நபர் ஒக்ஸானாவின் கழுத்திலும் கையை வைக்க முயன்றபோது, அவர் பொறுமை இழந்து ஆவேசமடைந்தார். “நீ ஏன் அவளைத் தொடுகிறாய்? உனக்கு என்ன உரிமை இருக்கிறது?” என்று அந்த நபரை நோக்கி ஒக்ஸானா ஆவேசமாகக் கேள்வி எழுப்பித் திட்டியுள்ளார். அவரது இந்தத் துணிச்சலான செயல் அங்கிருந்தவர்களையும், இணையவாசிகளையும் வியக்க வைத்துள்ளது. தனிமனித இடைவெளியைப் பேணாமல், அனுமதியின்றி மற்றவர்களைத் தொடுவது எவ்வளவு பெரிய தவறு என்பதை அந்த நபர் இப்போது உணர்ந்திருப்பார்.