தமிழகத்தில் 2021 ஆம் ஆண்டு தேர்தலில் விட்டதை பிடிக்க அதிமுகவும் 2026 தேர்தலில் ஆட்சியை தக்க வைக்க திமுகவும் புதிய வியூகங்களோடு தீவிரமாக பணியாற்றி வருகின்றன. என்னதான் தனது கூட்டணியை பலமாக வைத்திருந்தாலும் திமுக மாற்றுக் கட்சியினரை தங்கள் கட்சியில் இணைக்கும் பணியில் தொடர்ந்து தீவிரம் கட்டி வருகிறது.
குறிப்பாக பாஜகவுடன் கூட்டணி வைத்துள்ள அதிமுக மீண்டும் ஆட்சியைப் பிடிக்க பல வியூகங்களை வகுத்து வருகிறது. குறிப்பாக அமமுக மற்றும் ஓபிஎஸ் அணியில் உள்ளவர்களை கட்சியில் சேர்ப்பதற்கு அதிமுக நிர்வாகிகளுக்கு இபிஎஸ் அசைன்மென்ட் கொடுத்துள்ளார். அந்த வகையில் திருவாரூர் அமமுக முக்கிய நிர்வாகியான வலங்கைமான ஆறுமுகம் தனது ஆதரவாளர்களுடன் மீண்டும் அதிமுகவில் இணைந்துள்ளார்.