பிரபல டிவி சேனலில் சூப்பர் சிங்கர் சீசன் 11 நடந்து வருகிறது. இந்நிகழ்ச்சியில் இலங்கையில் இருந்து இந்தியாவுக்கு புலம்பெயர்ந்த சிறுமி ஒருவர் ஈழப் போரில் உறவுகளை இழந்த சம்பவத்தை பாடலாக பாடியது இணையத்தில் வைரலாகி உள்ளது. இந்நிகழ்ச்சியில் பல திறமையாளர்கள் கலந்து கொண்டு தங்கள் திறமையை வெளிக்காட்டி வரும் நிலையில், டி சாதனா பாடிய இந்த பாடல் ஈழத்துப்போரை பார்வையாளர்களின் கண்முன் காட்டியுள்ளது.
20 போட்டியாளர்களுடன் ஆரம்பித்த நிகழ்ச்சியில் அவர் கலந்துகொண்டு பாடி இருக்கிறார். இவரது பெற்றோர் 30 ஆண்டுகளுக்கு முன்பு இலங்கையில் இருந்து இந்தியாவுக்கு புலம்பெயர்ந்தவர்கள். இன்று வெளியான பிரமோ காட்சியில் அவர் பாடிய பாடல்களால் அரங்கமே கண்ணீர் சிந்தியுள்ளது. இலங்கையில் நடந்த போரில் உயிரை விட்டவர்கள் மற்றும் உறவுகளை தொலைத்தவர்களின் கதறல்ளை இந்த பாடல் வெளிப்படுத்தி உள்ளது.