நடிகர் விஜய் நடித்த ஜனநாயகன் படம் கடந்த ஜனவரி மாதம் 9ம் தேதி ரிலீஸ் என அறிவிக்கப்பட்டது. ஆனால் கடைசி நேரத்தில் சென்சார் சான்றிதழ் கிடைக்காததால் அந்த படம் திரைக்கு வரவில்லை. இந்த படத்தை ரூ.500 கோடி பட்ஜெட்டில் தயாரித்த தயாரிப்பு நிறுவனம் தடுமாறி வருகிறது. இந்த சூழலில் ஜனநாயகன் படம் திரைக்கு வராததால் தமிழ்நாட்டில் உள்ள தியேட்டர் உரிமையாளர்களும் கடுமையான நஷ்டத்தை சந்தித்துள்ளனர்.
பைசன் டியூட் ஆண்பாவம் பொல்லாதது சிறை போன்ற படங்களுக்கு பிறகு திரையரங்குகளில் ரசிகர்கள் கூட்டம் வெகுவாக குறைந்து போய் இருந்தது. ஜனநாயகன்படம் வந்திருந்தால் மீண்டும் திரையரங்குகளில் ரசிகர்கள் கூட்டம் நிறைந்திருக்கும். வசூலும் கணிசமாக இருந்திருக்கும். ஆனால் ஜனநாயகன் படம் திரைக்கு வராததால் தமிழ்நாட்டில் உள்ள திரையரங்குகள் 100 கோடி ரூபாய் வரை இழப்பை சந்தித்துள்ளன. இதனால் தியேட்டர் உரிமையாளர்கள் வேதனையில் உள்ளதாக தகவல் வெளியாகி உள்ளது.