அழகோ அழகு..! தளபதிக்கு க்யூட்டாக முத்தம் கொடுத்த குட்டி குழந்தை.. இணையத்தில் வைரலாகும் வீடியோ..!!

நடிகர் விஜய் வெங்கட் பிரபு இயக்கும் தி கிரேட்டஸ்ட் ஆஃப் ஆல் டைம் படத்தில் நடித்துக் கொண்டிருக்கிறார். அவருக்கு ஜோடியாக மீனாட்சி சவுத்ரி நடிக்கிறார். மேலும் பிரசாந்த், பிரபு, உள்ளிட்ட முன்னணி பிரபலங்கள் நடித்து வருகின்றனர்.

கோட் படத்தின் ஷூட்டிங் தற்போது கேரளாவில் நடைபெற்றுக் கொண்டிருக்கிறது. இந்நிலையில் திருவனந்தபுரம் விமான நிலையத்திற்கு வந்த விஜயை சந்திப்பதற்காக ஏராளமான ரசிகர்கள் திரண்டனர். உடனே நடிகர் விஜய் பேருந்து மீது ஏறி நின்று தன்னை சுற்றி இருந்த கேரளா ரசிகர்களிடம் மலையாளத்தில் பேசினார்.

அவர் பேசியதாவது, சேச்சி, சேட்டன்மார்.. ஓணம் பண்டிகையில் நீங்கள் எவ்வளவு மகிழ்ச்சியாக இருப்பீர்களோ, அந்த அளவுக்கு உங்களின் முகத்தை பார்க்கும் போது எனக்கு சந்தோஷமாக உள்ளது. தமிழ்நாட்டில் உள்ள நண்பா நண்பி மாதிரி நீங்களும் வேற லெவல் என மலையாளத்தில் பேசி அசத்தினார்.

கடந்த சில நாட்களாக படத்தின் ஷூட்டிங் எங்கு நடந்தாலும் தளபதி விஜய் ரசிகர்களை புறக்கணிக்காமல் அவர்களுடன் நின்று பேசுவது, செல்பி எடுப்பது போன்ற செயல்களில் ஈடுபட்டுள்ளார். இந்த நிலையில் நடிகர் விஜய் தனது கையில் தூக்கி வைத்திருக்கும் ஒரு குட்டி குழந்தை அவருக்கு முத்தம் கொடுக்கும் வீடியோ சமூக வலைதளத்தில் வேகமாக பரவி வருகிறது. அந்த வீடியோவை ரசிகர்கள் ட்ரெண்டாக்கி வருகின்றனர்.