தமிழக வெற்றிக் கழகத்தின் (தவெக) தலைவர் விஜய், மாமல்லபுரத்தில் நடைபெற்ற சமத்துவ கிறிஸ்துமஸ் விழாவில் குழந்தைகளுடன் இணைந்து உற்சாகமாகக் கொண்டாடினார். விழாவில் பங்கேற்ற பெரியவர்களைத் தனது வழக்கமான பாணியில் ‘குட்டி ஸ்டோரி’ மூலம் குதூகலப்படுத்திய விஜய், குழந்தைகளைக் கவரும் விதமாகச் சாண்டா கிளாஸ் டிசைன் கண்ணாடி அணிந்து விளையாடினார்.
மேடையில் குழந்தைகளுடன் இணைந்து கேக் வெட்டிய பிறகு, அங்கிருந்த குழந்தைகள் போட்டிப்போட்டுக் கொண்டு விஜய்க்குத் தொடர்ந்து கேக் ஊட்டினர். இதனால் சற்றுத் திணறிப்போன அவர், ‘கொஞ்சம் பொறுங்கப்பா’ என்று கைகளால் சைகை காட்டிய வீடியோ தற்போது சமூக வலைதளங்களில் வைரலாகி வருகிறது. விஜய்யின் இந்தச் சுட்டித்தனமான மற்றும் அன்பான செயல்களைக் கண்ட நெட்டிசன்கள், அவரைத் தற்போது இணையதள ட்ரெண்டான “Pookie விஜய்” என செல்லமாக அழைத்து கமெண்ட் செய்து வருகின்றனர்.