“நான் கேட்டது எங்கே..?” அது வந்தாத்தான் கல்யாணம்.. கோபத்தில் மேடையை விட்டு இறங்கி மின்னல் வேகத்தில் ஓடிய மாப்பிள்ளை… துரத்திச்சென்ற பெண் வீட்டார்… வைரலாகும் வீடியோ..!!

திருமண விழாவில் மங்கள இசை முழங்க, உறவினர்களின் மகிழ்ச்சியான கொண்டாட்டங்களுக்கு நடுவே ஒரு ‘ஸ்கார்பியோ’ காரினால் ஒட்டுமொத்த கல்யாணமும் பாதியிலேயே நின்ற அதிர்ச்சி சம்பவம் அரங்கேறியுள்ளது. மணமேடையில் அமர்ந்திருந்த மணமகன், தான் வரதட்சணையாகக் கேட்டிருந்த ஸ்கார்பியோ கார் வரவில்லை என்பதையும், அதற்குப் பதிலாக வேறு கார் தரப்பட்டதையும் அறிந்ததும் ஆத்திரத்தின் உச்சிக்கே சென்றார். மணப்பெண் வீட்டார் எவ்வளவோ எடுத்துச் சொல்லியும் கேட்காத அவர், மண்டபத்திலேயே கடும் வாக்குவாதத்தில் ஈடுபட்டு ரகளையில் குதித்தார்.

வாக்குவாதம் முற்றிய நிலையில், மணமகன் திடீரென மணமேடையை விட்டு இறங்கி மின்னல் வேகத்தில் திருமண மண்டபத்தை விட்டு வெளியே ஓட்டம் பிடித்தார். இதைக் கண்டு நிலைகுலைந்த மணப்பெண் வீட்டார் மற்றும் உறவினர்கள், மாப்பிள்ளையைத் தடுத்து நிறுத்த அவர் பின்னாடியே ஓடினர். இதனால் திருமண மண்டபமே ஒரு போர்க்களம் போல காட்சியளித்தது. ஒரு சொகுசு காருக்காகப் பெண்ணின் வாழ்க்கையையும், குடும்பத்தின் மானத்தையும் பொருட்படுத்தாமல் மணமகன் ஓடிய இச்சம்பவம் அங்கிருந்தோரை முகம் சுளிக்க வைத்துள்ளது.