“என்னைத் தேடினா நீ செத்த!”… திருமணமான 18 நாளில் கணவனை மிரட்டிவிட்டு காதலனுடன் பறந்த கில்லாடி மனைவி… வெளியான திடுக்கிடும் தகவல்…!!!

திருமணமாகி வெறும் 18 நாட்களே ஆன நிலையில், இளம் பெண் ஒருவர் தனது காதலனுடன் ஓட்டம் பிடித்த சம்பவம் பெரும் அதிர்ச்சியை ஏற்படுத்தியுள்ளது. அந்தப் பெண்ணிற்குத் திருமணத்திற்கு முன்பிருந்தே ஒருவருடன் காதல் இருந்து வந்த நிலையில், இது குறித்து உறவினர்கள் கேட்டபோதெல்லாம் தங்களுக்குள் அப்படி எதுவும் இல்லை என்று கூறி அனைவரையும் அவர் நம்ப வைத்துள்ளார்.

சம்பவத்தன்று, வீட்டிற்குத் தேவையான எலுமிச்சை பழம் வாங்கி வருவதாகக் கூறி வீட்டை விட்டு வெளியேறிய அந்தப் பெண், நீண்ட நேரமாகியும் வீடு திரும்பவில்லை. அதன் பின்னரே, அவர் ஏற்கனவே திட்டமிட்டபடி தனது காதலனுடன் தப்பிச் சென்றது தெரியவந்தது. செல்லும் போது சாதாரணமாகச் செல்லாமல், வீட்டில் இருந்த பல லட்சம் ரூபாய் மதிப்பிலான தங்க நகைகள் மற்றும் விலையுயர்ந்த பொருட்களையும் அவர் திருடிச் சென்றுள்ளார்.

இந்தச் சம்பவம் அந்தப் பெண்ணின் கணவர் மற்றும் குடும்பத்தினரிடையே பெரும் சோகத்தை ஏற்படுத்தியுள்ள நிலையில், தப்பிச் சென்ற பெண் போகிற போக்கில் தனது கணவருக்குக் கொலை மிரட்டலும் விடுத்துச் சென்றுள்ளார். தன்னைத் தேட முயன்றால் ஆட்களை வைத்து முடித்துவிடுவேன் என அவர் மிரட்டியது அக்குடும்பத்தினரை மேலும் அதிர்ச்சியில் ஆழ்த்தியுள்ளது. இச்சம்பவம் குறித்துப் புகாரளிக்கப்பட்டதையடுத்து போலீசார் தீவிர விசாரணை நடத்தி வருகின்றனர்.