தமிழக அரசியலில் மெகா ட்விஸ்ட்..! மதச்சார்பற்ற அரசு… காமராஜர் ஆட்சி…! விஜய்க்கு காங்கிரஸ் போட்ட ‘பக்கா’ கண்டிஷன்..!!

2026 தமிழகச் சட்டமன்றத் தேர்தலில் நடிகர் விஜய்யின் தமிழக வெற்றிக் கழகம் (தவெக) 108 இடங்களைக் கைப்பற்றி தனிப்பெரும் கட்சியாக உருவெடுத்துள்ளது. மெஜாரிட்டிக்குத் தேவையான 118 இடங்களை விட 10 இடங்கள் குறைவாகப் பெற்றுள்ள நிலையில், தவெக ஆட்சியமைக்கக் காங்கிரஸ் கட்சியின் ஆதரவைக் கோரியுள்ளதாக அக்கட்சியின் பொதுச்செயலாளர் கே.சி. வேணுகோபால் உறுதிப்படுத்தியுள்ளார்.

இந்தக் கோரிக்கையை ஏற்றுத் தமிழகத்தில் மதச்சார்பற்ற அரசை உருவாக்கவும், அரசியலமைப்பைப் பாதுகாக்கவும் காங்கிரஸ் கட்சி முன்வந்துள்ளது. இருப்பினும், தவெக அரசு எக்காரணம் கொண்டும் பாஜக அல்லது அதன் நிழல் கூட்டணிக் கட்சிகளின் (proxies) ஆதரவைப் பெறக்கூடாது என்று காங்கிரஸ் திட்டவட்டமான நிபந்தனையை விதித்துள்ளது. தமிழக மக்கள் மதச்சார்பற்ற அரசுக்கே ஆணை வழங்கியுள்ளனர் என்பதால், பாஜகவின் தலையீடு எவ்விதத்திலும் இருக்கக்கூடாது என்பதில் காங்கிரஸ் உறுதியாக உள்ளது.

தவெக தலைவர் விஜய், மறைந்த முன்னாள் முதல்வர் காமராஜரைத் தனது அரசியல் உத்வேகமாகக் குறிப்பிட்டுள்ளதையும் கே.சி. வேணுகோபால் சுட்டிக்காட்டியுள்ளார். இதைக் கருத்தில் கொண்டு, தமிழகத்தின் தேர்தல் முடிவுகள் மற்றும் மக்களின் உணர்வுகளுக்கு ஏற்ப இறுதி முடிவை எடுக்குமாறு தமிழ்நாடு காங்கிரஸ் கமிட்டிக்கு (TNCC) அகில இந்தியக் காங்கிரஸ் தலைமை உத்தரவிட்டுள்ளது. இதன் மூலம் தமிழகத்தில் 1967-க்குப் பிறகு முதல்முறையாகத் திராவிடக் கட்சிகள் அல்லாத ஒரு மாற்று ஆட்சி அமைய வாய்ப்பு ஏற்பட்டுள்ளது.