அட கடவுளே… பயிற்சியின் போது ஆற்றில் கவிழ்ந்த படகு… கண் இமைக்கும் நேரத்தில் மாயமான ராணுவ வீரர்கள்… அதிர்ச்சி சம்பவம்…!

ஹரியானாவின் யமுனாநகர் மாவட்டத்தில் உள்ள ஹத்னிகுண்ட் தடுப்பணையில் நடைபெற்ற ராணுவப் பயிற்சி விபத்துக்குள்ளானதில், இரண்டு ராணுவ வீரர்கள் ஆற்றில் அடித்துச் செல்லப்பட்டு காணாமல் போயுள்ளனர். செப்டம்பர் 1 அன்று நடைபெற்ற இந்த வழக்கமான பயிற்சியின்போது, நான்கு வீரர்கள் கொண்ட குழு கடுமையான நீரோட்டத்தை எதிர்கொண்டதாகத் தெரிகிறது.

தடுப்பணையின் கடுமையான நீரோட்டத்தின் மத்தியில் திடீரென படகு கவிழ்ந்ததில், நான்கு வீரர்களும் தண்ணீரில் அடித்துச் செல்லப்பட்டனர். அவர்களில் இருவர் தங்களது திறமையால் நீந்தி கரையேறி உயிர் தப்பினர். இருப்பினும், மற்ற இரு வீரர்களின் நிலை என்னவென்று உடனடியாகத் தெரியவரவில்லை; அவர்கள் ஆபத்தான நீரோட்டத்தில் இழுத்துச் செல்லப்பட்டனர்.

https://twitter.com/contentkikamii/status/2095041324919750907/video/1

தற்போது சம்பவ இடத்திற்கு விரைந்துள்ள மாநில பேரிடர் மீட்பப் படை மற்றும் ராணுவ மீட்புக் குழுவினர் இணைந்து, காணாமல் போன வீரர்களை மீட்கும் பணியில் தீவிரமாக ஈடுபட்டுள்ளனர். யமுனா நதியின் நீரோட்டம் அதிகளவில் இருப்பதால் தேடுதல் பணியில் சவால்கள் ஏற்பட்டுள்ள போதிலும், மீட்பு நடவடிக்கைகள் முழுவீச்சில் நடைபெற்று வருகின்றன.