சமூக வலைதளங்களில் தற்போது வைரலாகி வரும் ஒரு வீடியோ, தாய்மார்களின் சமயோசித புத்தியையும் குழந்தைகளின் அப்பாவித்தனத்தையும் நகைச்சுவையாகப் படம் பிடித்துக் காட்டுகிறது. அந்த வீடியோவில், ஒரு தாய் தனது குழந்தைக்கு ஆரோக்கியமான உணவை ஊட்டுவதற்காகச் செய்த சிறு ‘ஏமாற்று வேலை’ பலரையும் சிரிக்க வைத்துள்ளது. நூடுல்ஸ் (மேகி) என்றால் தட்டையே காலி செய்யும் குழந்தைகள், சத்தான உணவுகளைக் கண்டால் ஓட்டம் பிடிப்பது வழக்கம். அதைச் சமாளிக்க இந்தத் தாய் ஒரு விசித்திரமான முறையைக் கையாண்டுள்ளார்.
வீடியோவில், அந்தத் தாய் ஒரு கையில் நூடுல்ஸ் தட்டை வைத்துக்கொண்டு, அதைக் குழந்தைக்குக் காட்டி ஆசையைத் தூண்டுகிறார். குழந்தை ‘மேகி’ கிடைக்கப்போகிறது என்ற குஷியில் வாயைத் திறக்க, அந்தத் தாய் சத்தமில்லாமல் மற்றொரு கையில் வைத்திருந்த சத்தான ‘ராகி’ (கேழ்வரகு) கஞ்சியை ஊட்டி விடுகிறார். மேகி தட்டையே வெறித்துப் பார்த்தபடி, தனக்குக் கிடைப்பது மேகிதான் என நம்பி அந்தக் குழந்தை ராகியை ரசித்துச் சாப்பிடும் காட்சி இணையவாசிகளைக் கவர்ந்துள்ளது.
இந்த வீடியோவைச் சமூக வலைதளங்களில் பகிர்ந்த பலரும், “தாய்மார்களுக்கு மட்டுமே இவ்வளவு புத்திசாலித்தனம் இருக்கும்” என்றும், “ஆரோக்கியத்திற்காகச் செய்யப்படும் இத்தகைய அன்பான ஏமாற்று வேலைகளில் தவறில்லை” என்றும் கருத்து தெரிவித்து வருகின்றனர். ‘மேகி காட்டி ராகி ஊட்டிய’ இந்தத் தாயின் ஐடியா, தங்களது குழந்தைகளைச் சாப்பிட வைக்கப் போராடும் பல பெற்றோருக்கு ஒரு வேடிக்கையானத் தீர்வாகத் தெரிகிறது. தற்போது இந்த வீடியோ பல மில்லியன் பார்வைகளைக் கடந்து ட்ரெண்டிங்கில் உள்ளது.
ये तो चीटिंग है..🥺
मैगी दिखा कर रागी खिला रहे..😏 pic.twitter.com/74VqEjrj2I— Rebellious 2.0🕊️ (@RebelliousPari8) March 19, 2026