13 வயது மாணவியை 40க்கும் மேற்பட்ட முறை கதற கதற… 37 வயது ஆசிரியர் செய்த கொடூரம்… இசைக்கருவிகள் அறைக்குள் நடந்த பயங்கரம்…!

அமெரிக்காவின் நியூ ஜெர்சி மாகாணத்தில் உள்ள ப்ளூம்ஃபீல்ட் பள்ளி மாவட்டத்தைச் சேர்ந்த இசைக்குழு இயக்குநர் டேனியல் பர்பேங்க் (37) என்பவர், 13 வயது மாணவியை 40-க்கும் மேற்பட்ட முறை பாலியல் ரீதியாகத் துன்புறுத்திய குற்றச்சாட்டின் கீழ் காவல்துறையினரால் கைது செய்யப்பட்டுள்ளார். பாதிக்கப்பட்ட மாணவி நடுநிலைப் பள்ளியிலிருந்து உயர்நிலைப் பள்ளிக்கு மாறிய பிறகும், இந்த கொடூரமான பாலியல் அத்துமீறல்கள் பல ஆண்டுகளாகத் தொடர்ந்ததாக நீதிமன்ற ஆவணங்கள் சுட்டிக்காட்டுகின்றன. இச்சம்பவம் தற்போது சர்வதேச அளவில் பெரும் அதிர்ச்சியையும் பரபரப்பையும் ஏற்படுத்தியுள்ளது.

நீதிமன்ற பிரமாணப் பத்திரத்தின்படி, ஆசிரியர் பர்பேங்க் அந்த சிறுமியை பள்ளியின் இசைக்கருவிகள் வைக்கும் அறை மற்றும் உயர்நிலைப் பள்ளி கலையரங்கம் உள்ளிட்ட பல்வேறு இடங்களுக்கு அழைத்துச் சென்று பாலியல் ரீதியாகத் துன்புறுத்தியுள்ளார். மேலும், அந்த சிறுமியைத் கட்டாயப்படுத்தி அருவருப்பான பாலியல் செயல்களில் ஈடுபட வைத்துள்ளார் என்பதும் விசாரணையில் தெரியவந்துள்ளது. இந்த தொடர் அத்துமீறல்கள் குறித்து பாதிக்கப்பட்ட நபர் காவல்துறையிடம் அளித்த புகாரின் அடிப்படையில், தீவிர விசாரணை நடத்தப்பட்டு இந்த கைது நடவடிக்கை மேற்கொள்ளப்பட்டுள்ளது.

இந்த விவகாரம் வெளிச்சத்திற்கு வந்ததைத் தொடர்ந்து, ஆசிரியர் பர்பேங்கை பள்ளி நிர்வாகம் உடனடியாகப் பணியிடை நீக்கம் செய்து உத்தரவிட்டுள்ளது. தற்போது அவர் மீது பாலியல் வன்கொடுமை, கடுமையான பாலியல் வன்கொடுமை முயற்சி, சட்டவிரோதக் கட்டுப்பாடு மற்றும் குழந்தையின் நலனுக்கு ஆபத்தை விளைவித்தல் உள்ளிட்ட பல்வேறு கடுமையான பிரிவுகளின் கீழ் வழக்குகள் பதிவு செய்யப்பட்டுள்ளன. பள்ளிக்கூடத்திலேயே மாணவிக்கு நேர்ந்த இந்த கொடூரம், குழந்தைகளின் பாதுகாப்பு குறித்த அச்சத்தை மீண்டும் பலரிடமும் எழுப்பியுள்ளது.