“சாரி உங்க வண்டி நம்பர் பிளேட்டை உடைச்சிட்டேன்” இதை வச்சிக்கோங்க… சில்லறை காசுகளை கொடுத்த சிறுவன்… வாரி அணைத்து முத்தமிட்ட நபர்… இந்த வயசுல இவ்வளவு நேர்மையா…? இணையத்தில் நெகிழ்ச்சியை உண்டாக்கிய வீடியோ..!!

ஒரு சிறுவன் மிதிவண்டியில் (Cycle) செல்லும்போது, எதிர்பாராதவிதமாகச் சாலையில் நிறுத்தி வைக்கப்பட்டிருந்த ஒரு மோட்டார் சைக்கிள் மீது பலமாக மோதிவிட்டான். இந்த விபத்தில் அந்த பைக்கின் நம்பர் பிளேட் (Number Plate) உடைந்துவிட்டது. பயமும் பதற்றமும் ஒருபுறம் இருந்தாலும், அந்தச் சிறுவன் அங்கிருந்து தப்பி ஓடிவிடவில்லை. தவறு செய்துவிட்டோமே என்ற குற்ற உணர்ச்சியோடு, அந்த பைக்கின் உரிமையாளர் எப்போது வருவார் என்று அங்கேயே காத்திருந்தான். தப்பி ஓடுவது எளிது, ஆனால் செய்த தவறுக்காகப் பொறுப்பேற்பது கடினம் என்பதை அந்தச் சிறுவன் செயலில் காட்டினான்.

பைக்கின் உரிமையாளர் வந்தவுடன், அவரிடம் ஓடிச்சென்ற சிறுவன் நடந்த உண்மையை ஒளிவுமறைவின்றி அப்படியே கூறினான். “தவறுதலாக உங்கள் வண்டியின் பிளேட்டை உடைத்துவிட்டேன், என்னிடம் உள்ள இந்தச் சில்லறைப் பணத்தை வைத்துப் புதிய பிளேட் வாங்கிக் கொள்ளுங்கள், என்னைத் மன்னித்துவிடுங்கள்” என்று கூறி, தன்னிடம் இருந்த சொற்பப் பணத்தை அவரிடம் கொடுக்க முன்வந்தான். அந்தச் சிறுவனின் மழலை மாறாத நேர்மையும், அஞ்சாமல் உண்மையை ஒப்புக்கொண்ட குணமும் அந்த உரிமையாளரின் மனதை அப்படியே உருக்கிவிட்டது.

அந்தப் பணத்தை வாங்க மறுத்த அந்த நபர், அந்தச் சிறுவனைப் பாசத்துடன் அணைத்து முத்தமிட்டார். இந்தச் சிறிய வயதில் அந்தச் சிறுவன் காட்டிய நேர்மை, அவன் வீட்டில் அவனது பெற்றோர் அவனுக்குக் கற்றுக்கொடுத்த ஒழுக்கத்தையும் நற்பண்புகளையும் பறைசாற்றுகிறது. தவறு செய்தவுடன் ஓடி ஒளிவதை விட, உண்மையைச் சொல்வதற்கு மிகப்பெரிய தைரியம் வேண்டும். அத்தகைய வீரத்தையும் நேர்மையையும் தன் மகனுக்குக் கற்றுக்கொடுத்த அந்தப் பெற்றோரைச் சமூகம் பாராட்டி வருகிறது.