சார்ஜ் மட்டும் போடுறீங்களா….? உங்க போன் USB-C போர்ட்டில் ஒளிந்திருக்கும் 5 மேஜிக்…. இனி போனே லேப்டாப் தான்…!!

இன்றைய ஸ்மார்ட்போன்களில் தவிர்க்க முடியாத ஒன்றாக மாறிவிட்ட டைப்-சி (USB-C) போர்ட், வெறும் பேட்டரி சார்ஜ் செய்வதற்கும் டேட்டா மாற்றுவதற்கும் மட்டுமே என்று நாம் நினைக்கிறோம். ஆனால், இந்த ஒரு போர்ட் உங்கள் போனை ஒரு மினி கம்ப்யூட்டராக மாற்றும் வல்லமை கொண்டது.

இதைப் பயன்படுத்தி உங்கள் போனில் மெமரி குறையும் போது நேரடியாக பென் டிரைவ் அல்லது ஹார்ட் டிஸ்க்கை இணைத்து தகவல்களைச் சேமிக்கலாம். மேலும், ‘ரிவர்ஸ் சார்ஜிங்’ வசதி மூலம் உங்கள் போனில் இருந்து மற்றொரு போனுக்கோ அல்லது ஸ்மார்ட் வாட்சுக்கோ அவசர காலங்களில் சார்ஜ் ஏற்ற முடியும். இது உங்கள் கையில் இருக்கும் ஒரு நடமாடும் பவர் பேங்க் போன்றது.

தகவல் தொழில்நுட்ப வசதிகள் பெருகியுள்ள நிலையில், டைப்-சி போர்ட் மூலம் உங்கள் போனை டிவி அல்லது மானிட்டருடன் இணைத்து பெரிய திரையில் வீடியோக்களை ரசிக்கலாம். ஒரு யூஎஸ்பி ஹப் (USB Hub) உதவியுடன் கீபோர்டு மற்றும் மவுஸை இணைப்பதன் மூலம், கணினியில் செய்வது போன்றே அலுவலக வேலைகளையும் மிக எளிதாக முடிக்க முடியும்.

குறிப்பாக, உயர்தர ஹெட்போன்களை இணைத்துச் சிறந்த ஆடியோ அனுபவத்தைப் பெறவும் இது வழிவகுக்கிறது. சார்ஜிங் போர்ட் என்று நாம் சாதாரணமாக நினைக்கும் இந்த சிறிய துளைக்குள் இத்தனை வித்தைகள் ஒளிந்திருப்பது பலருக்கும் ஆச்சரியமான ஒரு விஷயமாகவே உள்ளது.