உயிருள்ள வரை உஷா படத்தை இப்போது ரி ரிலீஸ் செய்வது ஏன்? இயக்குனர் டி ராஜேந்தர் சொன்ன அதிரடி விளக்கம் – ஆச்சரியப்பட்ட ரசிகர்கள்!

காதலர் தினத்தை முன்னிட்டு வருகிற 13ம் தேதி இயக்குனர் டி ராஜேந்தர் இயக்கத்தில் உருவான உயிருள்ள வரை உஷா படம் 43 ஆண்டுகளுக்குப் பிறகு மீண்டும் ரி ரிலீஸ் செய்யப்படுகிறது இதுகுறித்து இயக்குனர் டி ராஜேந்தர் கூறியதாவது, 1980 காலகட்டம் என்பது காதலை சொல்வதற்கே கஷ்டப்பட்ட ஒரு காலம். ஒரு பெண் அருகில் போய் பேசுவதையே சரித்திரமாக நினைப்பார்கள். அந்த பொண்ணு கிட்ட எப்படி காதலை சொல்லலாம், காதல் கவிதை எப்படி சொல்லலாம் என்று நினைப்பது ஒரு காலகட்டம்.

மௌனமான காதல் ஆணுக்கு மட்டுமல்ல, பெண்ணுக்கும் இருந்ததால் தான் ஒரு தலை ராகம் படத்துக்கு பெண்களும் படை எடுத்தார்கள். அந்த படம் எடுத்தது டி ராஜேந்தர். படை எடுத்தது பெண்களாக இருந்தார்கள். குடும்ப சூழ்நிலை காரணமாக தனது காதலை சொல்ல முடியாத உணர்வை அந்த படம் பிரதிபலித்தது.

நான் பிறகு நிறைய படங்கள் எடுத்தாலும் உயிருள்ள வரை உஷா படம் தான் என்னை வேறொரு உயர்ந்த நிலைக்கு கொண்டு சென்றது. எனவே அந்த லவ் ஸ்டோரியை இன்று இருக்கிற 2 கே கிட்ஸ் இளம் தலைமுறைக்கு போய் எப்படி அவர்களை பிடிக்க வேண்டும் என்று மக்களின் மனநிலையை அறிந்து படம் எடுத்தவன் நான். எனவே உயிருள்ளவரை உஷா படத்தை இப்போது மீண்டும் ரி ரிலீஸ் செய்கிறேன் என்று இயக்குனர் டி ராஜேந்தர் கூறியிருக்கிறார்.