ஜி 5 இணையதள தொடரான ஆட்டோ சங்கர் வெப் சீரிஸ் மூலம் அறிமுகமானவர் ஸ்வயம் சித்தா. இவர் திரவம் என்ற மற்றொரு வெப் சீரிஸிலும் நடித்துள்ளார். மாடலிங் துறையில் ஸ்வயம் சித்தாவுக்கு அதிக ஆர்வம் இருந்தது. இவர் விளம்பரங்களிலும் நடித்துள்ளார். இதனையடுத்து பிரேம்ஜி நடித்த சத்திய சோதனை திரைப்படத்திலும் நடித்திருந்தார்.
இளம் நடிகை ஸ்வயம் சித்தா “எனக்கு எண்டே கிடையாது என்ற படத்தின்” மூலம் தமிழ் சினிமாவில் கதாநாயகியாக அறிமுகமானார். இந்த படத்தில் விக்ரம் ரமேஷ் கதாநாயகனாக நடித்து படத்தை இயக்கியுள்ளார். இந்த படத்தை கார்த்திக் வெங்கட்ராமன் தயாரித்துள்ளார்.
இந்நிலையில் படத்தின் விளம்பர நிகழ்ச்சிகளில் ஸ்வயம் சித்தா கலந்து கொள்ளாமல் புறக்கணித்து விட்டதாக பல்வேறு புகார்கள் எழுந்தது. இதுகுறித்து விக்ரம் ரமேஷ் கூறும்போது, படத்தில் ஒப்பந்தம் செய்த போது படத்தை விளம்பரப்படுத்தும் நிகழ்ச்சிக்கு வர வேண்டும் என கூறினோம். ஆனால் ஸ்வயம் சித்தா வரவில்லை.
அவர் இந்தியன் 2 உள்ளிட்ட இதர பட வேலைகளில் பிசியாக இருப்பதாக சொல்கிறார்கள். இனிமேல் பெரிய படங்களில் தான் அவர் நடிப்பார் போலும் என்று காட்டமாக கூறியுள்ளார். இதற்கு ஸ்வயம் சித்தா விரைவில் பதில் அளிப்பாரா இல்லையா என்பதை பொறுத்திருந்து பார்ப்போம்.
