3-வது முயற்சியும் வீணான முயற்சி…! “எந்த இழப்பீடும் என் மகனை திருப்பி தராது…” வேதனையை பகிர்ந்து கொண்ட மாணவனின் தந்தை…!!

உத்தரப் பிரதேசத்தைச் சேர்ந்த 21 வயது இளைஞர் ரித்திக், தொடர்ந்து மூன்றாவது முறையாக தீவிரமாகப் படித்து நீட் தேர்வை எழுதியிருந்தார். ஆனால், தேர்வில் நடைபெற்ற முறைகேடுகள் காரணமாக அத்தேர்வு ரத்து செய்யப்பட்ட செய்தி அவரைப் பெரும் அதிர்ச்சிக்கும் மன உளைச்சலுக்கும் ஆளாக்கியது. தன் உழைப்பு அனைத்தும் வீணாகிவிட்டதைத் தாங்க முடியாமல், தேர்வு ரத்து செய்யப்பட்ட இரண்டு நாட்களிலேயே அவர் தனது உயிரை மாய்த்துக் கொண்டார்.

இச்சம்பவம் குறித்துப் பேசிய அவரது தந்தை அனுப் மிஸ்ரா, அரசு சரியான நேரத்தில் நடவடிக்கை எடுத்திருந்தால் தன் மகனின் உயிரைக் காப்பாற்றியிருக்கலாம் என வேதனையுடன் தெரிவித்தார். மேலும், அமைதியான முறையில் போராடிய மாணவர்கள் மீது நடத்தப்பட்ட தாக்குதல்கள் குறித்துக் கண்டனம் தெரிவித்த அவர், அரசு வழங்கும் எந்தவொரு நிதியுதவியும் தன் மகனின் இழப்பால் ஏற்பட்ட வெற்றிடத்தை ஒருபோதும் ஈடு செய்ய முடியாது என்று கண்ணீருடன் கூறினார்.