உத்தரப் பிரதேச மாநில பொதுப்பணி ஆணையம் (UPPSC) நடத்திய 2024-ம் ஆண்டுக்கான சிவில் சர்வீஸ் தேர்வில் வெற்றி பெற்று, நாயப் தாசில்தாராகத் தேர்வாகியுள்ள ஆனந்த் ராஜ் சிங் என்ற இளைஞரின் நெகிழ்ச்சியான வீடியோ சமூக வலைதளங்களில் வைரலாகி வருகிறது. தேர்வு முடிவுகள் வெளியானதும் நேராகப் பிரயாக்ராஜில் உள்ள அனுமன் கோவிலுக்குச் சென்ற ஆனந்த் ராஜ் சிங், கடவுளின் சிலைக்கு முன்னால் மண்டியிட்டு விம்மி விம்மி அழுத காட்சி காண்போரை நெகிழச் செய்துள்ளது. நீண்ட காலக் காத்திருப்பு மற்றும் கடின உழைப்பிற்குப் பிறகு கிடைத்த இந்த வெற்றி, அவரை உணர்ச்சிவசப்பட வைத்துள்ளது.
சோன்பத்ரா மாவட்டத்தைச் சேர்ந்த ஒரு சாதாரண விவசாயக் குடும்பத்தைச் சேர்ந்தவரான ஆனந்த் ராஜ் சிங், கடந்த நான்கு ஆண்டுகளாகக் கடும் இன்னல்களுக்கு இடையே இந்தத் தேர்வுக்குத் தயாராகி வந்துள்ளார். போதிய வசதிகள் இல்லாத போதிலும், தனது விடாமுயற்சியால் இரண்டாவது முயற்சியிலேயே இந்தச் சாதனையைப் படைத்துள்ளார். டிராக்டர் ஏஜென்சி ஒன்றில் பணிபுரியும் அவரது தந்தை மற்றும் குடும்பத்தினரின் ஆதரவே தனது வெற்றிக்குக் காரணம் என்று அவர் நெகிழ்ச்சியுடன் தெரிவித்துள்ளார்.
🚨 UP PCS 2024 Qualifier Breaks Down in Hanuman Temple After Success 🙏
In Prayagraj, Anand Raj Singh became emotional after clearing the UP PCS 2024 recruitment exam.
📌 Visited Hanuman Temple after the result
📌 Broke down in tears before the deity
📌 Later composed himself… pic.twitter.com/MvqhKgD2lr— Genzdigest (@genzdigest) March 30, 2026
சமூக வலைதளங்களில் பகிரப்பட்டுள்ள இந்த வீடியோவில், அவர் தனது உணர்ச்சிகளைக் கட்டுப்படுத்த முடியாமல் அழுவதும், பின்னர் அங்கிருந்தவர்கள் அவருக்கு ஆறுதல் கூறி வாழ்த்து தெரிவிப்பதும் பதிவாகியுள்ளது. “இந்தக் கண்ணீர் எனது பல ஆண்டுகாலப் போராட்டத்தின் வெளிப்பாடு” என்று அவர் உருக்கமாகக் கூறியுள்ளார். எளிய பின்னணியில் இருந்து வந்து சாதித்துள்ள இந்த இளைஞரின் வெற்றிப் பயணம், போட்டித் தேர்வுகளுக்குத் தயாராகும் ஆயிரக்கணக்கான மாணவர்களுக்குப் பெரும் ஊக்கமளிப்பதாக அமைந்துள்ளது.