இன்ஸ்டாகிராமில் வைரலாகி வரும் ‘தந்தா ஆன் கிரவுண்ட்’ (Dhandha On Ground) என்ற பக்கம், பல்வேறு நூதனமான தொழில் முயற்சிகளைச் சோதித்து அதன் வருமான வாய்ப்புகளைப் பகிர்ந்து வருகிறது. அந்த வகையில், திருமணங்கள் மற்றும் பொது விழாக்களில் கொரில்லா வேடமிட்டு மக்களை மகிழ்விப்பதன் மூலம் எவ்வளவு சம்பாதிக்க முடியும் என்பதை ஒரு நபர் நேரடிச் சோதனையாகச் செய்து காட்டியுள்ளார். இந்த முயற்சி சமூக வலைதளங்களில் பலரது கவனத்தை ஈர்த்துள்ளது.
இந்தச் சோதனையின் போது, அந்த நபர் வலிமையான கொரில்லா வேடமணிந்து ஒரு விழாவிற்குச் செல்கிறார். அங்கிருந்த குழந்தைகள் இந்த வினோத உருவத்தைக் கண்டு மிகுந்த உற்சாகமடைந்தனர். கூட்ட நெரிசலுக்கு இடையே சிரமப்பட்டு முன்னேறிய அவர், நடன மேடையில் இறங்கித் தீவிரமாக நடனமாடி மக்களைக் கவர்ந்தார். தொடர்ந்து மற்றொரு கொரில்லா வேடமிட்ட நபருடன் ஒரு சண்டைக்காட்சியையும் அரங்கேற்றி அங்கிருந்தவர்களுக்குப் பொழுதுபோக்கை வழங்கினார்.
இருப்பினும், இந்த வேலை பார்ப்பதற்கு எளிதாகத் தெரிந்தாலும் உடல்ரீதியாகப் பெரும் சவாலானது. அந்த கனமான உடையை நீண்ட நேரம் அணிந்திருப்பது கடினம் என்பதால், அவர் அவ்வப்போது இடைவேளை எடுத்துத் தண்ணீர் குடித்துத் தன்னைத் தேற்றிக் கொள்ள வேண்டியிருந்தது. சில மணி நேர உழைப்பிற்குப் பிறகு, அன்றைய தினத்தில் அவர் 5,000 ரூபாய் சம்பாதித்ததாகத் தெரிவித்தார். இவ்வாறே ஒரு மாதம் முழுவதும் உழைத்தால், சுமார் 1,50,000 ரூபாய் வரை ஈட்ட முடியும் என்பது இந்தச் சோதனையின் மூலம் தெரியவந்துள்ளது.
View this post on Instagram