கோவில்பட்டியில் பயங்கரம்!… 3 வயது சிறுமியை ஓட ஓட விரட்டிய தெருநாய்கள்.. நெஞ்சை பதறவைக்கும் வீடியோ…!!!

தூத்துக்குடி மாவட்டம் கோவில்பட்டியில், தெருவில் விளையாடிக் கொண்டிருந்த மூன்று வயது சிறுமியைத் தெருநாய்கள் ஓட ஓட விரட்டித் தாக்கிய அதிர்ச்சியூட்டும் சம்பவம் பெரும் பரபரப்பை ஏற்படுத்தியுள்ளது. அந்தச் சிறுமி தனது வீட்டின் அருகே விளையாடிக் கொண்டிருந்தபோது, அங்கிருந்த தெருநாய்கள் திடீரென அவளைத் துரத்தத் தொடங்கியுள்ளன. பயத்தில் சிறுமி அலறியபடி ஓடியபோதும், விடாமல் துரத்திய அந்த நாய்கள் அவளது ஆடையைக் கடித்துக் குதறி இழுத்துள்ளன.

சிறுமி பயத்தால் மரண ஓலமிட்ட சத்தத்தைக் கேட்டு, அக்கம்பக்கத்தினர் உடனடியாகச் சம்பவ இடத்திற்கு விரைந்து வந்து நாய்களை விரட்டியடித்துள்ளனர். பொதுமக்களின் இந்தச் சமயோசித முயற்சியால், சிறுமி நல்வாய்ப்பாகப் பெரும் ஆபத்திலிருந்து மீட்கப்பட்டு, சிறிய காயங்களுடன் உயிர் தப்பியுள்ளார். இத்தகைய விபரீதங்களைத் தவிர்க்க, குழந்தைகள் வீதிக்கு வெளியே விளையாடும் போது பெற்றோர்கள் மிகுந்த கவனத்துடனும், விழிப்புணர்வுடனும் கண்காணிப்பது மிகவும் அவசியமானதாகும்.