“லிஃப்ட் தர்றோம்னு கூப்பிட்டு..” வாய் பேச முடியாத பெண்ணுக்கு நேர்ந்த கொடூரம்… புதுக்கோட்டையை உலுக்கிய 2 காமப்பேசுகள் கைது..!!!

புதுக்கோட்டை மாவட்டம் கறம்பக்குடி அருகே உள்ள கிராமத்தைச் சேர்ந்த 35 வயது மதிக்கத்தக்க, வாய் பேச முடியாத மாற்றுத்திறனாளி பெண் ஒருவர் கூட்டுப் பலாத்காரம் செய்யப்பட்டுள்ள கொடூர சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. திருமணம் ஆகாத அந்தப் பெண், தனது கிராமத்திலிருந்து சுமார் 10 கிலோமீட்டர் தொலைவில் உள்ள ஒரு அரிசி ஆலையில் கூலி வேலை செய்து வந்துள்ளார்.

சம்பவத்தன்று மாலை வேலை முடிந்து வீட்டிற்குச் செல்வதற்காக அந்தப் பெண் பேருந்து நிறுத்தத்தில் காத்திருந்துள்ளார். அப்போது அந்த வழியாக காரில் வந்த இரண்டு நபர்கள், “ஊருக்குள் இறக்கி விடுகிறோம்” என்று கூறி அவரை காரில் ஏற அழைத்துள்ளனர். அதற்கு அந்தப் பெண் மறுப்புத் தெரிவித்த நிலையிலும், அவரை வலுக்கட்டாயமாக காரில் ஏற்றிச் கடத்திச் சென்றுள்ளனர்.

பின்னர், சற்று தொலைவில் உள்ள ஒரு குளக்கரைக்கு அருகே மக்கள் நடமாட்டமில்லாத தனிமையான பகுதிக்கு அந்தப் பெண்ணைக் கொண்டு சென்று, இருவரும் மிகக் கொடூரமாகப் பாலியல் பலாத்காரம் செய்துள்ளனர். அதன் பிறகு, மயக்க நிலைக்குச் சென்ற அந்தப் பெண்ணைக் கறம்பக்குடி – ஆலங்குடி சாலையில் வீசிவிட்டு அந்த கும்பல் காரில் தப்பியோடியுள்ளது. சிறிது நேரத்திற்குப் பின் மயக்கம் தெளிந்து அந்தப் பெண் அழுது கூச்சலிடவே, அப்பகுதி மக்கள் அவரை மீட்டு போலீசாருக்குத் தகவல் கொடுத்துள்ளனர்.

இதுகுறித்து வழக்குப் பதிவு செய்த போலீசார் நடத்திய தீவிர விசாரணையில், இந்த அராஜகத்தில் ஈடுபட்டவர்கள் மணக்கொல்லை கிராமத்தைச் சேர்ந்த கார் உரிமையாளரும் ஓட்டுநருமான சேகர் (53) மற்றும் அவரது நண்பரான கூலித்தொழிலாளி மாரிமுத்து (52) என்பது தெரியவந்தது. உடனடியாக மாரிமுத்துவை கைது செய்த தனிப்படை போலீசார், தலைமறைவாகி திண்டுக்கல்லில் பதுங்கியிருந்த முக்கிய குற்றவாளியான சேகரையும் தற்போது அதிரடியாகக் கைது செய்து தீவிர விசாரணை நடத்தி வருகின்றனர்.