இந்தியாவின் வடமுனையான காஷ்மீரின் ஸ்ரீநகரில் இருந்து தொடங்கி, தென்முனையான கன்னியாகுமாரியில் முடிவடையும் இந்தியாவின் மிக நீளமான சாலையாக NH44 உள்ளது. 11 மாநிலங்களைக் கடந்து வரும் இந்த சாலை, மொத்தம் 4113 கிலோ மீட்டர் நீளம் கொண்டது.
பேன் அமெரிக்கா என்று அழைக்கப்படும் சாலையானது, 14 நாடுகளைக் கடந்து 30 ஆயிரம் கிலோ மீட்டர் நீளத்துடன், உலகின் மிக நீளமான சாலை என்ற பெருமையை பெற்றுள்ளது. இந்த சாலை வட அமெரிக்காவின் வடபகுதியில் ப்ருடோ விரிகுடாவிலிருந்து தொடங்கி, தென் அமெரிக்காவின் தெற்கு முனையில் உள்ள அர்ஜென்டினாவின் உஷுவாயா வரை நீண்டுள்ளது. 30000 கிலோமீட்டர் நீளமுள்ள இந்த சாலையில், நாள் ஒன்றுக்கு 500 கிலோ மீட்டர் தூரம் வீதம் பயணம் செய்தால் கூட, ஒரு முனையில் இருந்து மற்றொரு முனைக்கு செல்ல சுமார் 60 நாட்களாகும்.
1920ஆம் ஆண்டில் இந்த சாலை அமைக்கும் திட்டத்தை தொடங்கி, 1973 ஆம் ஆண்டில் அந்த சாலை கடந்து செல்லும் 14 நாடுகளும் இந்த திட்டத்தில் கையெழுத்திட்டனர். மேலும் 1960 ஆம் ஆண்டு இந்த சாலை பயன்பாட்டிற்கு வந்தது. இந்த சாலையை பராமரிக்கும் பொறுப்பை, 14 நாடுகளும் ஏற்றுக்கொண்டனர். இந்த நீண்ட சாலையில் யூ டர்ன் போன்ற திருப்பங்களே இல்லை என்று கூறப்படுகிறது.