திமுக ஆட்சியில் பெண்களுக்கு எதிரான வன்கொடுமைகள் அதிகரித்து வருவதாகப் பிரேமலதா விஜயகாந்த் முன்வைத்த விமர்சனம், முதலமைச்சர் ஸ்டாலினைக் கடும் கோபமடையச் செய்துள்ளதாகத் தகவல்கள் வெளியாகியுள்ளன. பிரேமலதாவின் இந்தப் பேச்சை அதிமுக, பாஜக மற்றும் தவெக போன்ற எதிர்க்கட்சித் தலைவர்கள் மேற்கோள் காட்டித் தங்களது தேர்தல் பிரச்சாரங்களில் திமுக அரசுக்கு எதிராகத் தீவிரமாக விமர்சித்து வருகின்றனர்.
எதிர்க்கட்சிகளின் இந்தத் தொடர் விமர்சனங்களால் அதிருப்தியடைந்துள்ள முதலமைச்சர் ஸ்டாலின், தேர்தல் பிரச்சார மேடைகளில் பிரேமலதா உள்ளிட்ட கூட்டணிக் கட்சித் தலைவர்கள் அனைவரும் மிகவும் கவனமாகப் பேச வேண்டும் என்று திமுக நிர்வாகிகளிடம் கடுகடுத்த குரலில் அறிவுறுத்தியுள்ளதாகக் கூறப்படுகிறது. இந்தச் சம்பவம் தமிழக அரசியல் வட்டாரத்தில், குறிப்பாகத் தேர்தல் களம் சூடுபிடித்துள்ள நிலையில் பெரும் பரபரப்பை ஏற்படுத்தியுள்ளது.