26 வயதான இளைஞர் ஒருவர் குழந்தை இல்லாத பிரச்சினைக்காக டெல்லியில் உள்ள மருத்துவமனை ஒன்றை அணுகியபோது, அவருக்கு நடைபெற்ற மருத்துவப் பரிசோதனைகள் மருத்துவர்களையும் அவரையும் பெரும் அதிர்ச்சிக்குள்ளாக்கியுள்ளன. ஆரம்பகட்ட விந்தணுப் பரிசோதனையில் விந்தணுக்கள் முற்றிலும் இல்லை என்பது தெரியவந்தது. இதைத் தொடர்ந்து எடுக்கப்பட்ட எம்.ஆர்.ஐ ஸ்கேனில், அவரது இடுப்புப் பகுதியில் கருப்பை மற்றும் கருக்குழாய்கள் போன்ற பெண் உறுப்புகளின் அமைப்புகள் இருப்பது கண்டறியப்பட்டது.
மரபணுப் பரிசோதனையில் அவருக்கு ’46, XY’ என்ற ஆணுக்கான குரோமோசோம்கள் இருப்பது உறுதியான நிலையில், இது ‘பெர்சிஸ்டன்ட் முலேரியன் டக்ட் சிண்ட்ரோம்’ (Persistent Müllerian Duct Syndrome) எனும் மிக அரிய மரபணு குறைபாடு என்பது தெரியவந்தது. கருவில் ஆண் குழந்தை வளரும்போது இயல்பாக மறைய வேண்டிய பெண் உறுப்புகள் மறையாமல் தொடர்ந்து உடலுக்குள்ளேயே தங்கியிருப்பதே இந்நிலைக்குக் காரணமாகும். உலகில் இதுவரை 300-க்கும் குறைவான நபர்களுக்கே இத்தகைய பாதிப்பு பதிவாகியுள்ளதாக மருத்துவர்கள் தெரிவிக்கின்றனர்.
மேலும், பிறந்தது முதல் 26 வயது வரை இவரது இரு விதைப்பைகளும் உடலுக்கு வெளியே இறங்காமல் வயிற்றின் உட்பகுதியிலேயே தங்கியிருந்துள்ளன. நீண்ட காலம் வயிற்றுக்குள் இருக்கும் விதைப்பைகளால் புற்றுநோய் ஏற்படும் அபாயம் அதிகம் என்பதால், மருத்துவர்கள் உடனடியாக லேப்ராஸ்கோப்பி அறுவை சிகிச்சை மூலம் உடலுக்குள் இருந்த கருப்பை, கருக்குழாய்கள் மற்றும் இரு விதைப்பைகளையும் பாதுகாப்பாக அகற்றினர்.
அகற்றப்பட்ட திசுக்களைப் பரிசோதித்தபோது, அவரது இடது விதைப்பையில் ‘ஜெர்ம் செல் நியோபிளேசியா இன் சிட்டு’ (Germ Cell Neoplasia In Situ) எனப்படும் புற்றுநோயாக மாறக்கூடிய ஆரம்பகட்ட மாற்றங்கள் இருந்தது கண்டுபிடிக்கப்பட்டது. குழந்தை இன்மைக்க்கான காரணத்தைக் கண்டறியச் சென்று, உரிய நேரத்தில் இந்த அரிய குறைபாட்டையும், தீவிர புற்றுநோய் அபாயத்தையும் கண்டறிந்து சிகிச்சை பெற்ற இச்சம்பவம் சமூக வலைத்தளங்களில் பெரும் பரபரப்பையும் விழிப்புணர்வையும் ஏற்படுத்தியுள்ளது.
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…
உத்தரப் பிரதேச மாநிலம் பராபங்கியைச் சேர்ந்த சந்தீப் வர்மா என்பவரும் ரீமா வர்மா (30) என்பவரும் காதலித்து திருமணம் செய்து…
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…
பெங்களூருவின் பன்னேருகட்டா பகுதி அருகே சி.கே. பாளையா சாலையில் அமைந்துள்ள 'ஹலேவூரு கபாப் சென்டர்' உணவகத்தில் அக்டோபர் 28 அன்று…
தீபாவளி பண்டிகையின் போது பட்டாசுகளை வெடிக்கும்போது ஏற்படும் விபத்துகளால் கடுமையான தீக்காயங்கள் மற்றும் நிரந்தர பார்வை இழப்பு ஏற்படக்கூடும் என்று…
பெங்களூரில் நிகழ்ந்த ஒரு கோரச் சம்பவத்தில், தன் உற்பத்திப் பிரிவில் பணிபுரியும் கிரண் என்பவரை, தன் மகளுடன் வீட்டில் தனித்திருந்த…