“உள்ளே நகர்ந்த ‘அது’… நீச்சல் குளத்தில் வாலிபருக்கு காத்திருந்த பயங்கர அதிர்ச்சி…!பதற வைக்கும் வைரல் வீடியோ…!

உத்தரப் பிரதேச மாநிலம் ஓராயி பகுதியில் உள்ள நீச்சல் குளம் ஒன்றில், வாலிபர் ஒருவர் குளித்துக் கொண்டிருந்தபோது எதிர்பாராதவிதமாக அவரது உள்ளாடைக்குள் பாம்பு ஒன்று புகுந்த விசித்திரமான சம்பவம் அரங்கேறியுள்ளது. குளத்தில் நீந்திக் கொண்டிருந்த அந்த நபர், திடீரென ஏதோ ஒன்று உள்ளாடைக்குள் நகர்வதை உணர்ந்து அதிர்ச்சியடைந்தார். இதனால் நீச்சல் குளத்தில் இருந்த மற்றவர்களிடையே பெரும் பதற்றமும் பயமும் தொற்றிக்கொண்டது. எனினும், அதிர்ஷ்டவசமாக அந்தப் பாம்பு அந்த வாலிபரை கடிக்கவில்லை.

நிலைமையின் தீவிரத்தை உணர்ந்த அவரது நண்பர்கள் உடனடியாக சாதுரியமாகச் செயல்பட்டனர். வாலிபரை ஆடாமல் அசையாமல் நிற்க வைத்துவிட்டு, ஆடையின் வெளிப்புறமாகவே பாம்பை மிகவும் கவனமாகப் பிடித்துக் கட்டுப்படுத்தினர். பின்னர், அந்த நபருக்கு எந்தவொரு ஆபத்தும் நேராதவாறு மெதுவாகப் பாம்பை ஆடையிலிருந்து பாதுகாப்பாக வெளியேற்றினர். இந்த அரிய மற்றும் ஆபத்தான நொடிகள் அடங்கிய வீடியோ சமூக வலைத்தளங்களில் வைரலாகி வரும் நிலையில், அந்த வாலிபர் எவ்வித காயமுமின்றி உயிர் தப்பியதை எண்ணி பலரும் தங்களது நிம்மதியையும் வியப்பையும் தெரிவித்து வருகின்றனர்.