நிலத்தகராறில் பயங்கரம்; சாத்தான்குளத்தில் பெண் போலீஸ் எஸ்ஐயின் கணவர் அரிவாள்வெட்டில் உயிரிழப்பு!

தூத்துக்குடி மாவட்டம் சாத்தான்குளம் புத்தன்தருவை சேர்ந்தவர் மெட்டில்டா. இவர் சாத்தான்குளம் போலீஸ் சிறப்பு எஸ்ஐ யாக பணியாற்றி வருகிறார். இவரது கணவர் ஜேம்ஸ் சித்தர் ( 56) இவருக்கும் பக்கத்து வீட்டுக்காரர் ஜேக்கப் என்பவருக்கும் இடையே நிலத்தகராது இருந்துள்ளது. இந்நிலையில் ஜேம்ஸ் சித்தர் தனது சொந்த ஊர் திருப்பணி புத்தன் தருவை கிராமத்துக்கு சென்று அங்குள்ள தன் அம்மாவை சந்தித்து விட்டு வீட்டுக்கு திரும்பி வந்துள்ளார்.

அப்போது வீட்டுக்கு அருகே வந்துக்கொண்டிருந்த ஜேம்ஸ் சித்தரை வழிமறித்து ஜேக்கப், நில விவகாரம் தொடர்பாக பேசியுள்ளார். அதில் இருவருக்கும் ஏற்பட்ட வாக்குவாதத்தில் ஆத்திரமடைந்த ஜேக்கப், கையில் மறைத்து வைத்திருந்த அரிவாளால் ஜேம்ஸ் சித்தரை சராசரியாக வெட்டினார். இதில் பலத்த காயமடைந்த ஜேம்ஸ் சித்தர் உயிரிழந்தார். இதுகுறித்து போலீசார் வழக்குப் பதிவு செய்து விசாரணை நடத்தி வருகின்றனர். பெண் எஸ்ஐயின் கணவர் வெட்டி கொலை செய்யப்பட்ட சம்பவம் அப்பகுதியில் பரபரப்பை ஏற்படுத்தி உள்ளது.