1960களின் புகழ்பெற்ற பாப் ஐகான் கோனி பிரான்சிஸ்(87 ), தனது ஹிட் பாடலான ‘பிரிட்டி லிட்டில் பேபி’ பாடலின் மூலமாக மிகவும் பிரபலமானவர். இந்நிலையில் “தீவிர வலி” காரணமாக மருத்துவமனையில் அனுமதிக்கப்பட்ட நிலையில் நேற்று முன்தினம் காலமானார். அவரது மரணச் செய்தியை அவரது நீண்டகால நண்பரான கான்செட்டா ரெக்கார்ட்ஸின் தலைவரான ரான் ராபர்ட்ஸ் பேஸ்புக் பதிவின் மூலம் பகிர்ந்துள்ளார்.
இதனையடுத்து பலரும் இரங்கல் தெரிவித்து வருகிறார்கள். கோனி பிரான்சிஸ் அமெரிக்க பாடகி மற்றும் நடிகை ஆவார். சமீபத்தில், அவரது பழைய பாடலான “பிரிட்டி லிட்டில் பேபி”, டிக்டோக் போன்ற சமூக வலைதளங்களில் மீண்டும் வைரலாகியது குறிப்பிடத்தக்கது.