கிளாஸ் லிடெர்னா இப்படியா?… 12 நிமிடங்களாக தொடர்ந்த அடித்த மாணவி… 5 வயது சிறுவனின் முகம் வீங்கும் அளவுக்கு நடந்த கொடூரம்… சிசிடிவி-யில் சிக்கிய அதிர்ச்சி வீடியோ…!

லக்னோ பிஜிஐ பிருந்தாவன் யோஜனா பகுதியில் உள்ள ஏ.எல்.எஸ் அகாடமி பள்ளியில், நர்சரி படிக்கும் 5 வயது சிறுவன் சக மாணவியால் கொடூரமாக தாக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது. கடந்த புதன்கிழமை வகுப்பறையில் நடந்த இந்த அதிர்ச்சி சம்பவத்தில், அந்த வகுப்பின் பெண் மானிட்டர் அச்சிறுவனை சுமார் 12 நிமிடங்கள் தொடர்ந்து கன்னத்தில் அறைந்து தாக்கியதாகக் கூறப்படுகிறது. இந்த கொடூரமான தாக்குதல் அனைத்தும் பள்ளியில் பொருத்தப்பட்டிருந்த சிசிடிவி கேமராவில் பதிவாகியுள்ளது. இந்த தாக்குதலால் சிறுவனின் முகம் மற்றும் கன்னங்களில் பலத்த காயம் ஏற்பட்டு, அவனது உடல்நிலை மோசமடைந்ததை அடுத்து, உடனடியாக பிஜிஐ அவசர சிகிச்சை பிரிவில் அனுமதிக்கப்பட்டு சிகிச்சை அளிக்கப்பட்டது.

https://twitter.com/ImranTG1/status/2077849452870762608/photo/1

இச்சம்பவம் குறித்து பாதிக்கப்பட்ட சிறுவனின் பெற்றோர் காவல் நிலையத்தில் புகார் அளித்ததை அடுத்து, சம்பந்தப்பட்ட பள்ளி நிர்வாகம் உடனடியாக நடவடிக்கை எடுத்துள்ளது. சக மாணவனை மிகக் கொடூரமாக தாக்கிய அந்த மானிட்டர் மாணவியை பள்ளியை விட்டு நீக்கி (Expel) நிர்வாகம் உத்தரவிட்டுள்ளது. மேலும், வகுப்பறையில் ஆசிரியர்கள் இல்லாத நேரத்தில் இந்த அசம்பாவிதம் நடந்துள்ளதால், பள்ளியில் மாணவர்களின் பாதுகாப்பு குறித்து பெற்றோர்கள் மற்றும் பொதுமக்கள் மத்தியில் கடும் கொந்தளிப்பும் அச்சமும் ஏற்பட்டுள்ளது.