டெல்லிக்குச் சுற்றுலா வந்த ரஷ்ய நாட்டு இளம் பெண் ஒருவர், விமான நிலையத்திற்கு வெளியே ஏழைப் பெண்கள் சிலர் உதவி கேட்பதைக் கண்டுள்ளார். அவர்களுக்கு நேரடியாகப் பணம் தராமல், அருகில் உள்ள மளிகைக் கடைக்குச் சென்று ரூ.1400 மதிப்பிலான ரேஷன் பொருட்களை வாங்கி கொடுத்துள்ளார். அப்போது அங்கு வந்த சமூக வலைதளப் பிரபலம் ஒருவருக்குப் பொருட்களின் அளவைப் பார்த்துச் சந்தேகம் எழுந்துள்ளது.
அவர் அந்தப் பெண்ணை மீண்டும் அதே கடைக்கு அழைத்துச் சென்று MRP விலையைக் கூட்டிப் பார்த்தபோது, உண்மையான பில் ரூ.1100 மட்டுமே என்பது தெரியவந்தது. இதனால் ஆத்திரமடைந்த அவர், “வெளிநாட்டுப் பயணி என்பதால் ஏமாற்றுகிறீர்களா?” எனக் கடைக்காரரைக் கண்டித்து, மீதி ரூ.300-ஐ அந்தப் பெண்ணிடம் மீட்டுத் தந்தார். இந்திய இளைஞரின் இந்த நேர்மையைக் கண்டு நெகிழ்ந்த ரஷ்யப் பெண், “உங்களைப் போன்ற நல்ல மனிதர்களால் தான் இந்தியா சிறந்த நாடாக விளங்குகிறது” எனக் கூறி நன்றி தெரிவித்தார்.