பட்டா, சிட்டா ஆவணம்…. இனி ரொம்ப ஈஸி… தமிழக அரசு மகிழ்ச்சியான அறிவிப்பு…..!

சொத்து விற்பனை உள்ளிட்ட பத்திரங்களை பதிய, பொதுமக்கள் நேரடியாக வந்தால், கூடுதல் செலவு தவிர்க்கப்படும்’ என, சார் – பதிவாளர்கள் தெரிவித்தனர்.சொத்து பத்திரங்களை தயாரிக்க, ஆவண எழுத்தர்களை தான், பொதுமக்கள் நாடுகின்றனர். அவர்கள் வழியாக வரும் பத்திரங்களே பதிவுக்கு ஏற்கப்படுவதால், நேரடியாக யாரும் சார் – பதிவாளர்களை அணுகுவதில்லை. அப்படியே அணுகினாலும், சார் – பதிவாளர்கள் நிராகரிப்பதாக புகார்கள் எழுந்தன. இதையடுத்து இப்பிரச்னையில் பதிவுத் துறை சில நடவடிக்கைகளை எடுத்தது.

இந்நிலையில் தமிழகத்தில் ஆவண எழுத்தர் உதவி இன்றி நேரடியாக சொத்து உள்ளிட்ட பத்திரங்களை பதிவு செய்யலாம் என்று பதிவுத்துறை அதிகாரிகள் புதிய அறிவிப்பை வெளியிட்டுள்ளனர். இதன் மூலமாக கூடுதல் செலவுகள் குறையும். சொத்து பத்திரங்களை தயாரிக்க ஆவணம் எழுத்தர்களையே மக்கள் நாடுகிறார்கள். ஆன்லைனில் உள்ள மாதிரி பாத்திரங்களின் அடிப்படையில் ஆவணங்களை மக்கள் தயாரித்து கொண்டு வந்தால் அதனை நிராகரிக்காமல் பதிவு செய்யுமாறு சார் பதிவாளர்களுக்கும் அறிவுறுத்தப்பட்டுள்ளது.