திமுகவுக்கு திடீர் அதிர்ச்சி… நயினார் நாகேந்திரன் முன்னிலையில் நடந்த அந்த ‘சர்ப்ரைஸ்’ சம்பவம்… பாஜகவின் அடுத்த டார்கெட் இவர்தானா?…!!!

மதுரையைச் சேர்ந்த திமுக முன்னாள் மாநில செயற்குழு உறுப்பினரான ஆர்.கே.வி. ராஜா, திராவிட முன்னேற்றக் கழகத்திலிருந்து விலகி பாரதிய ஜனதா கட்சியில் இணைந்துள்ளார். திருநெல்வேலியில் நடைபெற்ற ஒரு நிகழ்ச்சியில், பாஜக மாநிலத் தலைவர் நயினார் நாகேந்திரன் முன்னிலையில், தனது ஆதரவாளர்கள் நூற்றுக்கணக்கானோருடன் அவர் முறைப்படி கட்சியில் இணைந்தார்.

மேலும் திமுகவின் முக்கிய நிர்வாகிகளில் ஒருவராகக் கருதப்பட்டவர் திடீரென கட்சி மாறியிருப்பது அரசியல் வட்டாரத்தில் பெரும் பரபரப்பை ஏற்படுத்தியுள்ளது. பாஜகவில் இணைந்தது குறித்துப் பேசிய ஆர்.கே.வி. ராஜா, பிரதமர் நரேந்திர மோடியின் மக்கள் நலத் திட்டங்களாலும், பாஜகவின் கொள்கைகளாலும் ஈர்க்கப்பட்டு இந்த முடிவை எடுத்ததாகத் தெரிவித்தார்.

இந்நிலையில் வரும் சட்டமன்றத் தேர்தலில் தேசிய ஜனநாயகக் கூட்டணி மிகப்பெரிய வெற்றியைப் பெறும் என்றும், அதற்காகத் தமிழகம் முழுவதும் தீவிரப் பிரச்சாரத்தில் ஈடுபடப் போவதாகவும் அவர் உறுதிபடக் கூறினார். இந்த அதிரடி மாற்றம் மதுரை மற்றும் தென் மாவட்ட அரசியல் களத்தில் புதிய விவாதங்களை உருவாக்கியுள்ளது.