தமிழக வெற்றிக் கழகத்தின் (தவெக) நிர்வாகக் குழு தலைமை ஒருங்கிணைப்பாளர் செங்கோட்டையன், தான் திமுகவில் இணையப் போவதாகப் பரவி வரும் தகவல்கள் முற்றிலும் தவறானவை என்று மறுப்பு தெரிவித்துள்ளார். சென்னையில் நேற்று செய்தியாளர்களைச் சந்தித்த அவர், எம்.ஜி.ஆர் மற்றும் ஜெயலலிதா ஆகியோரால் எதிர்க்கப்பட்ட திமுகவில் இணைவது தமக்குச் சாத்தியமற்ற ஒன்று என்று திட்டவட்டமாகக் கூறினார்.
மேலும், நடிகர் விஜய்யை ஒரு சிறந்த தலைவராகக் கருதுவதாகவும், அவருக்கு மக்களிடையே 34 சதவீத வாக்குகள் இருப்பதாகவும் செங்கோட்டையன் குறிப்பிட்டார். தவெக-வை திமுகவின் ‘பி’ டீம் என்று விமர்சிப்பது அர்த்தமற்றது என்றும், பாரதிய ஜனதா கட்சியே தவெக-வின் கொள்கை எதிரி என்பதில் விஜய் மிகவும் தெளிவாக இருப்பதாகவும் அவர் தனது விளக்கத்தில் சுட்டிக்காட்டினார்.