நாம் தமிழர் கட்சியின் தலைமை ஒருங்கிணைப்பாளர் சீமான், தெலுங்குத் திரையுலகில் என்.டி.ஆர் – திரிவிக்ரம் கூட்டணியில் உருவாகும் புதிய திரைப்படத்தில் முருகப்பெருமான் வடநாட்டில் பிறந்தவர் என்ற தவறான கருத்துருவாக்கம் பரப்பப்படுவதாகக் கூறி கடும் கண்டனம் தெரிவித்துள்ளார். கலைப்படைப்பு என்ற பெயரில் அடிப்படை புரிதலற்று, வரலாற்றுத் திரிபுகளை உண்மையெனக் கட்டமைக்க முயல்வது வன்மையான கண்டனத்துக்குரியது என்று அவர் குறிப்பிட்டுள்ளார். 50 ஆயிரம் ஆண்டுகளுக்கு மூத்த தொன்ம வரலாறு கொண்ட தமிழ்ப் பேரினத்தின் குறிஞ்சி நிலத் தலைவனும், முப்பாட்டனுமான முருகனின் வரலாற்றைத் திரித்து, தமிழர்களை இழிவுபடுத்தினால் அதற்குரிய கடும் எதிர்விளைவுகளைச் சந்திக்க நேரிடும் என படக்குழுவினருக்கு அவர் எச்சரிக்கை விடுத்துள்ளார்.
முருகன் தமிழர்களின் வாழ்வியலோடும், பண்பாடோடும் ஒன்றிணைந்த ஆதி இறைவன் என்றும், “தமிழ்தான் முருகன்; முருகன்தான் தமிழ்” என்றும் சீமான் தன் அறிக்கையில் சுட்டிக்காட்டியுள்ளார். தொல்காப்பியம், திருமுருகாற்றுப்படை, பத்துப்பாட்டு மற்றும் எட்டுத்தொகை உள்ளிட்ட சங்க இலக்கியங்கள் யாவும் சேயோன், செவ்வேள், முருகன் எனப் பல்வேறு செந்தமிழ்ப் பெயர்களால் முருகனைப் போற்றுகின்றன என்பதைப் பட்டியலிட்டுள்ளார். தமிழர்களின் சிவன், முருகன், கண்ணன், திருமால் போன்ற தெய்வங்களை மாற்றினத்தவர் திருடி, அவர்களின் பெயர்களை மாற்றிப் புராணப் பாத்திரங்களாக மாற்றிவிட்டதாகக் குற்றம் சாட்டியுள்ள அவர், வணிக நோகத்திற்காகத் தமிழர்களின் பெருமைமிகு அடையாளங்களை சிதைப்பதை இனி வேடிக்கை பார்க்க முடியாது எனத் தெரிவித்துள்ளார்.
தமிழினத்தின் ஒட்டுமொத்த எதிர்ப்பையும் மீறி இத்திரைப்படம் இக்கருத்துருவாக்கத்துடன் வெளியானால், தமிழ்நாட்டுத் திரையரங்குகளில் இதனை வெளியிடக் கூடாது எனத் திரையரங்க உரிமையாளர்களுக்கு அவர் வேண்டுகோள் விடுத்துள்ளார். மீறித் திரையிடப்பட்டால் நாம் தமிழர் கட்சி சார்பில் மிகப்பெரிய போராட்டங்கள் முன்னெடுக்கப்படும் என்றும் எச்சரித்துள்ளார். மேலும், தமிழ்ப் பண்பாட்டைப் புண்படுத்தும் இத்திரைப்படம் வெளியானால் கடும் சட்டம்-ஒழுங்கு சிக்கல் ஏற்படும் என்பதால், இதன் தமிழ் மற்றும் தெலுங்குப் பதிப்புகளைத் தமிழ்நாட்டில் திரையிட அனுமதிக்கக் கூடாது என முதலமைச்சர் விஜய் தலைமையிலான தமிழ்நாடு அரசுக்குச் சீமான் கோரிக்கை விடுத்துள்ளார்.
வங்கக் கடலில் புதிய புயல் சின்னம் உருவாக வாய்ப்புள்ளதைத் தொடர்ந்து, தமிழகத்தின் பல்வேறு மாவட்டங்களுக்கு இந்திய வானிலை ஆய்வு மையம்…
மகாராஷ்டிரா மாநிலம் நாசிக் சிட்கோ பகுதியில் உள்ள ஒயின் ஷாப் ஒன்றில், பிரஷர் கன் மூலம் பாய்ந்த இரும்பு ஆணி…
தேசியவாத காங்கிரஸ் தலைவரும் மூத்த அரசியல்வாதியுமான சரத் பவாருக்கு அண்மையில் ஏற்பட்ட உடல்நலக் குறைவைத் தொடர்ந்து, அவருக்குப் பூரண ஓய்வளிக்க…
குஜராத் மாநிலம் சூரத் பகுதியில், வாங்கிய கடனைத் திருப்பிக் கொடுக்காததால் ஏற்பட்ட தகராறில் சக ஊழியரின் தலையைத் துண்டித்து மயானத்தில்…
பீகார் மாநிலம் பக்ஸார் மாவட்டத்தைச் சேர்ந்த ஊரக வளர்ச்சி அதிகாரி அல்பிதா சிங், கடந்த எட்டு மாதங்களாகத் தனக்கு சம்பளம்…
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…