“நோ லுக் டிஃபென்ஸ்!” பாகிஸ்தான் வீரர் சயம் அயூப் ஸ்டம்பைப் பறக்கவிட்ட பள்ளி மாணவன்.. சோசியல் மீடியாவில் வாரிசுருட்டும் நெட்டிசன்கள்..!!

பாகிஸ்தான் கிரிக்கெட் வீரர் சாய்ம் அயூப் தனது தனித்துவமான ‘நோ-லுக்’ ஷாட்களுக்குப் பெயர் பெற்றவர். சமீபத்தில் இணையத்தில் வைரலாகி வரும் வீடியோ ஒன்றில், வலைப் பயிற்சியின் போது பள்ளி மாணவர் ஒருவர் வீசிய பந்தில் அவர் தனது டிரேட்மார்க் பாணியில் தற்காப்பு ஆட்டத்தை ஆட முயன்றார். ஆனால், துரதிர்ஷ்டவசமாகப் பந்து ஸ்டம்புகளைத் தாக்கி அவர் ஆட்டமிழந்தார்.

இந்த வீடியோ சமூக வலைதளங்களில் பெரும் விவாதத்தை ஏற்படுத்தியுள்ளது. சர்வதேச அளவில் விளையாடும் ஒரு வீரர், பள்ளி மாணவரின் பந்துவீச்சில் இதுபோன்று ஆட்டமிழந்தது பலரை வியப்பில் ஆழ்த்தியுள்ளது. “அதிகப்படியான தன்னம்பிக்கை ஆபத்தானது” என ஒரு தரப்பினரும், “இது ஒரு ஜாலியான பயிற்சி மட்டுமே” என மற்றொரு தரப்பினரும் கருத்து தெரிவித்து வருகின்றனர்.

சாய்ம் அயூப் சமீபகாலமாகப் போதிய ஃபார்மில் இல்லாத நிலையில், இந்த வீடியோ அவருக்கு மேலும் விமர்சனங்களைப் பெற்றுத் தந்துள்ளது. இருப்பினும், அந்தச் சிறுவனின் துல்லியமான பந்துவீச்சை நெட்டிசன்கள் பாராட்டி வருகின்றனர். சர்வதேச நட்சத்திரத்தின் விக்கெட்டை வீழ்த்திய அந்த மாணவனுக்கு இது ஒரு மறக்க முடியாத தருணமாக அமைந்துள்ளது.