“சான்ஸே இல்ல.. சசிகலாவுக்கும் ‘நோ’…. ஓபிஎஸ்-ஸுக்கும் ‘நோ’”… இனி நான் மட்டும் தான் ராஜா…. மொத்தமாக முடித்துவிட்ட இபிஎஸ்..!

பாஜகவுடன் கூட்டணி வைத்தால் அதிமுகவை ‘அடிமை’ என்று விமர்சிப்பவர்கள், உண்மையில் காங்கிரஸ் கட்சிக்கு திமுகதான் அடிமையாகச் செயல்பட்டு வருகிறது என்பதை உணர வேண்டும் என்று அதிமுக பொதுச்செயலாளர் எடப்பாடி பழனிசாமி அதிரடியாக விமர்சித்துள்ளார். அதிமுக கூட்டணியைப் பொறுத்தவரை, தோழமைக் கட்சிகள் யாரும் ஆட்சியில் பங்கு கோரவில்லை என்றும், வரும் தேர்தலில் அதிமுக அதிக இடங்களில் போட்டியிட்டு தனிப் பெரும்பான்மையுடன் ஆட்சியமைக்கும் என்றும் அவர் உறுதிபடத் தெரிவித்தார். திமுகவின் விமர்சனங்களுக்குப் பதிலடி கொடுக்கும் வகையில் அமைந்துள்ள இவரது பேச்சு, வரவிருக்கும் தேர்தல் களத்தில் அதிமுகவின் தனித்துவமான நிலைப்பாட்டைத் தெளிவுபடுத்தியுள்ளது.

உள் கட்சி விவகாரங்கள் மற்றும் பிற தலைவர்கள் குறித்த கேள்விகளுக்கும் ஈபிஎஸ் மிகத்தெளிவான விளக்கங்களை அளித்தார். டிடிவி தினகரனுக்கும் அதிமுகவுக்கும் இடையே எந்தவிதமானக் கருத்து வேறுபாடும் இல்லை என்றும், அதேசமயம் ஓ. பன்னீர்செல்வம் மற்றும் சசிகலா ஆகியோரை மீண்டும் கட்சியில் இணைப்பது குறித்து ஏற்கனவே தெளிவான முடிவுகள் எடுக்கப்பட்டு விளக்கப்பட்டுவிட்டதாகவும் அவர் குறிப்பிட்டார். குழப்பங்களுக்கு இடமின்றி அதிமுக தனது இலக்கை நோக்கிப் பயணிப்பதாகக் குறிப்பிட்ட அவர், தொண்டர்களின் பலத்துடன் தமிழகத்தில் மீண்டும் அதிமுகவின் பொற்கால ஆட்சி அமையும் என நம்பிக்கை தெரிவித்தார்.