தமிழக அரசியல் களம் 2026 சட்டமன்றத் தேர்தலை நோக்கி சூடுபிடிக்கத் தொடங்கியுள்ள நிலையில், அதிமுகவில் லாட்டரி அதிபர் மார்ட்டினின் மனைவி லீமா ரோஸிற்கு சீட் வழங்கப்பட்டது பெரும் சர்ச்சையை ஏற்படுத்தியுள்ளது. கடந்த பிப்ரவரி மாதம் லட்சிய ஜனநாயகக் கட்சியிலிருந்து விலகி அதிமுகவில் இணைந்த லீமா ரோஸிற்கு, இரண்டே மாதங்களில் லால்குடி தொகுதியில் போட்டியிட எடப்பாடி பழனிசாமி வாய்ப்பு வழங்கியுள்ளார். கட்சியின் மூத்த நிர்வாகிகள் பலரை ஓரம் தள்ளிவிட்டு, புதியதாக இணைந்த ஒருவருக்கு உடனடியாக வேட்பாளர் வாய்ப்பு வழங்கப்பட்டது கட்சி வட்டாரத்திலேயே சலசலப்பை உருவாக்கியுள்ளது.
இந்த விவகாரம் குறித்து ‘ஒன் இந்தியா’ தமிழ் ஊடகத்திற்கு பேட்டியளித்த அதிமுக முன்னாள் எம்பி கே.சி. பழனிசாமி, எடப்பாடி பழனிசாமி மீது மிகக்கடுமையான குற்றச்சாட்டுகளை முன்வைத்துள்ளார். லீமா ரோஸிற்கு லால்குடி தொகுதியில் போட்டியிட வாய்ப்பு வழங்கியதற்காக, எடப்பாடி பழனிசாமி சுமார் ரூ.300 கோடி வரை கைமாற்றாகப் பெற்றுள்ளதாக அவர் பகீர் தகவலை வெளியிட்டுள்ளார். ஜெயலலிதா காலத்தில் கள்ள லாட்டரி விற்பனைக்கு எதிராகக் கடும் நடவடிக்கை எடுக்கப்பட்ட மார்ட்டின் குடும்பத்தைச் சேர்ந்தவருக்கு, இன்று அதிமுகவில் முக்கியத்துவம் அளிக்கப்படுவது அக்கட்சியின் கொள்கை வீழ்ச்சியைக் காட்டுவதாக அவர் விமர்சித்துள்ளார்.
ஜெயலலிதாவின் ஆளுமையைக் குறிப்பிட்டுப் பேசிய கே.சி. பழனிசாமி, “சமூகத்திற்குப் பாதிப்பை ஏற்படுத்தும் கள்ள லாட்டரி தொழிலில் ஈடுபட்ட மார்ட்டினை சிறையில் தள்ளியவர் ஜெயலலிதா. ஆனால் இன்று எடப்பாடி பழனிசாமி தலைமையிலான அதிமுக, பணத்திற்காக அத்தகைய பின்னணி கொண்டவர்களையே தேடிச் செல்கிறது” என்று வருத்தம் தெரிவித்தார். மேலும், தேர்தல் பத்திரங்கள் மூலம் பல கோடிகளை வாரி வழங்கிய மார்ட்டின் குடும்பத்தினர், எதிர்காலத்தில் பண பலத்தைக் கொண்டு ஒட்டுமொத்தக் கட்சியையும், ஏன் எம்.எல்.ஏ-க்களையுமே விலைபேசும் அபாயம் இருப்பதாகவும் அவர் எச்சரிக்கை விடுத்துள்ளார்.
லீமா ரோஸ், தற்போது தமிழக அரசியலில் முக்கிய கவனம் பெற்று வரும் தவெக நிர்வாகி ஆதவ் அர்ஜுனாவின் மாமியார் என்பது குறிப்பிடத்தக்கது. ஒருபுறம் பாஜக கூட்டணியில் புதுச்சேரியில் மார்ட்டின் மகனுக்கு வாய்ப்பு, மறுபுறம் அதிமுகவில் அவரது மனைவிக்கு வாய்ப்பு என மார்ட்டின் குடும்பம் அரசியல் ரீதியாகப் பலம் பெற்று வருவதை கே.சி. பழனிசாமி சுட்டிக்காட்டியுள்ளார். பண பலத்திற்காகக் கட்சியின் அடிமட்டத் தொண்டர்களின் உழைப்பை எடப்பாடி பழனிசாமி அடமானம் வைத்துவிட்டதாக அவர் முன்வைத்துள்ள இந்தக் குற்றச்சாட்டு, அதிமுக தொண்டர்களிடையே பெரும் அதிர்வலைகளை ஏற்படுத்தியுள்ளது.
தமிழ் திரையுலகின் முன்னணி இயக்குநரும் நடிகருமான கே.பாக்யராஜ் இன்று மாரடைப்பால் காலமானார். அவரது மறைவைத் தொடர்ந்து, அவரது குருவான புகழ்பெற்ற…
தெலங்கானா மாநிலம் மெதக் மாவட்டம் அல்லாதுர்க்கைச் சேர்ந்த அபிலாஷ் என்பவருக்கும், சுஷ்மிதா என்பவருக்கும் சுமார் ஒன்றரை ஆண்டுகளுக்கு முன்பு திருமணம்…
பெங்களூருவின் ராஜாஜிநகர் ராம் மந்திர் சாலை பகுதியில், மோட்டார் சைக்கிளில் சென்று கொண்டிருந்த 53 வயது நபர் மீது காய்ந்த…
மதிமுக திமுக தலைமையிலான கூட்டணியில் இருந்து அதிகாரப்பூர்வமாக விலகுவதாக அறிவித்துள்ள அரசியல் சூழலில் , முன்னாள் மதிமுக பிரமுகர் கே.…
மறைந்த பிரபல நடிகரும், இயக்குநருமான கே. பாக்யராஜின் உடல், நாளை (ஜூன் 28) மதியம் 1.30 மணி அளவில் சென்னை…
டாஸ்மாக் அலுவலகங்களில் அமலாக்கத்துறை சோதனை நடத்துவதற்கு எதிராக முந்தைய திமுக ஆட்சிக்காலத்தில் உச்ச நீதிமன்றத்தில் தாக்கல் செய்யப்பட்ட மேல்முறையீட்டு மனுவைத்…