“சொந்த வீடு கனவா?.. இனி கவலையே வேண்டாம்.. கூட்டுறவு வங்கியில் ரூ.10 லட்சம் லோன்.. அப்ளை செய்வது எப்படி?.. முழு விபரம் இதோ”..!!

தமிழ்நாட்டில் உள்ள நடுத்தர மற்றும் அடித்தட்டு மக்களின் சொந்த வீட்டு கனவை நனவாக்க, மாவட்ட மத்திய கூட்டுறவு வங்கிகள் மூலம் எளிய முறையில் வீட்டு வசதி கடன்கள் வழங்கப்படுகின்றன. இந்த திட்டத்தின் கீழ், சொந்தமாக உள்ள காலி மனையில் புதிய வீடு கட்டுவதற்கும், ஏற்கனவே உள்ள வீட்டை பழுதுபார்ப்பதற்கும் அல்லது கூடுதல் அறைகள் கட்டி வீட்டை விரிவாக்கம் செய்வதற்கும் கடனுதவி பெற முடியும். இக்கடன் பெற விண்ணப்பதாரர்கள் தமிழ்நாட்டின் நிரந்தர குடியிருப்பாளராக இருக்க வேண்டும்; இதற்கு எந்தவித வயது வரம்போ அல்லது சாதி அடிப்படையிலான கட்டுப்பாடுகளோ இல்லை.

இத்திட்டத்தின் மூலம் ஒரு விண்ணப்பதாரர் அதிகபட்சமாக ரூ. 10,000,000 வரை கடனாகப் பெற முடியும், இதற்கான வட்டி விகிதம் ஆண்டிற்கு 12% ஆக நிர்ணயிக்கப்பட்டுள்ளது. இக்கடனுக்கு விண்ணப்பிக்க பான் கார்டு, அடையாள அட்டை, முகவரிச் சான்று மற்றும் நிலம்/வீட்டின் சொத்து ஆவணங்கள் போன்ற முக்கிய ஆவணங்களின் நகல்களைச் சமர்ப்பிக்க வேண்டும். இந்தக் கடனுக்கான விண்ணப்ப நடைமுறை முற்றிலும் ஆஃப்லைன் மூலமாகவே நடைபெறுகிறது.

விருப்பமுள்ளவர்கள் தங்களுக்கு அருகில் உள்ள மாவட்ட மத்திய கூட்டுறவு வங்கி கிளைக்கு நேரில் சென்று, விண்ணப்பப் படிவத்தைப் பெற்றுப் பூர்த்தி செய்ய வேண்டும். அதனுடன் தேவையான ஆவணங்களின் நகல்களை இணைத்து வங்கியதிகாரியிடம் சமர்ப்பித்து, எதிர்காலத் தேவைக்கான ஒப்புதல் சீட்டை பெற்றுக் கொள்ளலாம். வணிக வங்கிகளை அணுக சிரமப்படும் கிராமப்புற மற்றும் பகுதி-நகர்ப்புற மக்களுக்கு இந்த கூட்டுறவு வங்கித் திட்டம் ஒரு சிறந்த நிதி ஆதாரமாக விளங்குகிறது.