தமிழகத்தில் அரசு வழங்கும் நலத்திட்ட உதவிகளைப் பெறுவதற்காக மட்டுமே ரேஷன் கார்டுகளைப் பயன்படுத்திக் கொண்டு, மாதந்தோறும் ரேஷன் கடைகளில் அத்தியாவசியப் பொருட்களை வாங்காத அட்டைகளைக் கண்டறிந்து நீக்க அரசு தீவிர நடவடிக்கை மேற்கொண்டு வருகிறது. உண்மையிலேயே தகுதியற்ற நபர்களை அடையாளம் காணும் வகையில், தொடர்ந்து பல மாதங்களாகப் பொருட்கள் வாங்காத குடும்ப அட்டைகளின் விவரங்கள் சேகரிக்கப்பட்டுத் தீவிர ஆய்வுக்கு உட்படுத்தப்பட்டு வருகின்றன.
இதன் அடிப்படையில், போலி மற்றும் விதிகளுக்குப் புறம்பான ஆயிரக்கணக்கான ரேஷன் கார்டுகளை நீக்கும் பணிகள் வரும் அக்டோபர் 1-ஆம் தேதி முதல் தொடங்கப்படலாம் எனத் தகவல்கள் தெரிவிக்கின்றன. இந்த நடவடிக்கையின் மூலம் தகுதியுடைய ஏழை, எளிய பயனாளிகளுக்கு மட்டுமே அரசின் நலத்திட்டங்கள் தடையின்றிச் சென்று சேர்வது உறுதி செய்யப்படும் என எதிர்பார்க்கப்படுகிறது.