மனைவியுடன் தனது 47 வது பிறந்தநாளை கொண்டாடிய ரெடின் கிங்ஸ்லி… சர்ப்ரைஸ் கிப்ட் கொடுத்து அசத்திய சங்கீதா… வைரலாகும் வீடியோ…

தமிழ் சினிமாவின் முன்னணி காமெடிய நடிகர்களில் ஒருவராக வலம் வருபவர் நடிகர் நடிகர் ரெடின் கிங்ஸ்லி. இவர் அஜித்தின் ‘அவள் வருவாளா’ படத்தில் டான்சராக திரையுலகில் அறிமுகமானார். இதைத்தொடர்ந்து இவர் சென்னை, பெங்களூரு உள்ளிட்ட நகரங்களில் நிகழ்ச்சி ஒருங்கிணைப்பாளராகவும் பணியாற்றி வந்தார்.கிங்ஸ்லி, நயன்தாரா – நெல்சன் கூட்டணியில் உருவான ‘கோலமாவு கோகிலா’ படத்தின் மூலம் நடிகராக திரையுலகில் கால் பதித்தார்.

இதைத்தொடர்ந்து  நெற்றிக்கண், எல்கேஜி, டாக்டர், அண்ணாத்த, பீஸ்ட், நாய் சேகர் ரிட்டர்ன்ஸ், ஜெயிலர் உள்ளிட்ட பல படங்களில் நடித்துள்ளார். சமீபத்தில் நயன்தாரா நடிப்பில் வெளியான அன்னபூரணி, சதீஷின் கான்ஜூரிங் கண்ணப்பன் ஆகிய படங்களிலும் நடித்துள்ளார். நடிகர் சூர்யாவின் கங்குவா திரைப்படத்திலும் அடுத்ததாக ரெடின் கிங்ஸ்லி நடித்து வருகிறார்.

இந்நிலையில் சன் தொலைக்காட்சியின் பிரபல சீரியல் நடிகையான சங்கீதாவை ரெடின் கிங்ஸ்லி மைசூரில் வைத்து திடீர் திருமணம் செய்து கொண்டார். இவர்களது திருமணம் மைசூரில் நெருங்கிய நண்பர்கள், நட்பு வட்டாரத்தினர் சூழ நடைபெற்றது. சோசியல் மீடியாவில் எப்பொழுதும் ஆக்டிவாக இருக்க கூடியவர் ரெடின் கிங்ஸ்லி மனைவி சங்கீதா.

இவர் தற்பொழுது  திருமணத்திற்கு பிறகு வரும் தனது ககணவரின் முதல் பிறந்தநாளை அவருக்கு சர்ப்ரைஸ் செய்து சூப்பராக கேக் வெட்டி கொண்டாடியுள்ளார். இது நடிகர் ரெடின் கிங்ஸ்லியின் 47 வது பிறந்தநாள் என்பதும் குறிப்பிடத்தக்கது. இந்த விடியோவை பார்த்த ரசிகர்களும் அவருக்கு பிறந்தநாள் வாழ்த்துக்களை கூறி வருகின்றனர். இதோ அந்த வீடியோ…