மருத்துவர்களையே வியக்க வைத்த அற்புதம்… தொண்டையில் சிக்கிய இறைச்சி.. 3 நிமிட மரணத்திற்கு பின் கிடைத்த மறுஜென்மம்..!

அமெரிக்காவின் பிலடெல்பியா நகரைச் சேர்ந்த 53 வயதான கெல்சி அபெர்னாதி மெக்லீன் என்ற பெண், தனது குடும்பத்தினருடன் இரவு உணவு சாப்பிட்டுக் கொண்டிருந்தபோது எதிர்பாராத விபத்து ஒன்று ஏற்பட்டது. அவர் சாப்பிட்ட இறைச்சித் துண்டு ஒன்று அவரது தொண்டையில் சிக்கிக் கொண்டதால், விண்ட் பைப் (Wind pipe) எனப்படும் மூச்சுக்குழாய் முற்றிலும் அடைபட்டது. குடும்பத்தினர் உடனடியாக முதலுதவி செய்தபோதிலும் பலனளிக்காமல், கெல்சியின் மூச்சு நின்றுபோய், உடல் முற்றிலும் செயலற்ற நிலைக்கு மாறியது. மருத்துவரீதியாக, மூளைக்கு ஆக்சிஜன் செல்லாத நிலையில் அவர் சுமார் மூன்றரை நிமிடங்கள் மரணத்தின் விளிம்பிற்குச் சென்று (Near-Death Experience) மீண்டும் உயிர் பிழைத்தார்.

அந்த மூன்றரை நிமிட மரண அனுபவம் குறித்து கெல்சி கூறும்போது, கண்கள் மூடியவுடன் ஒரு ஆழமான இருண்ட பகுதிக்குள் செல்வது போன்ற உணர்வு ஏற்பட்டதாகத் தெரிவித்தார். அங்கு சத்தமோ, கால நேரமோ இல்லை என்றாலும், ஒரு விவரிக்க முடியாத நிம்மதியும் பேரன்பும் சூழ்ந்திருந்தது. அறிவியல் பூர்வமாக ‘லைஃப் ரிவ்யூ’ (Life review) என்று அழைக்கப்படும், தனது ஒட்டுமொத்த வாழ்க்கையின் நிகழ்வுகளும் ஒரு திரை போல அவர் கண் முன்னே ஓடியுள்ளன. அப்போது, தான் செய்த தவறுகளையும், தனது சொற்களால் மற்றவர்கள் அடைந்த துன்பங்களையும் நினைத்து வருந்தி மன்னிப்புக் கேட்டதாக அவர் விவரித்தார்.

இந்த அசாதாரணமான மறுவாழ்வு நிகழ்வு கெல்சியின் வாழ்க்கைப் பார்வையையே முற்றிலுமாக மாற்றியுள்ளது. நாம் உலக வாழ்க்கையில் தேடும் அந்தஸ்து, சொகுசு போன்ற எதற்கும் மரணத்திற்குப் பின் மதிப்பில்லை என்றும், நாம் செய்யும் நல்ல நற்கர்மங்கள் மட்டுமே நம்முடன் வரும் என்றும் அவர் உணர்ந்துள்ளார். இறுதியாக, ஒரு பிரகாசமான ஒளி தன்னை மீண்டும் இந்த உலகிற்கு இழுத்து வந்ததாகவும், தன் கணவர் மீது கொண்ட தீவிரமான பாசமே தன்னை மீண்டும் உயிர் பிழைக்க வைத்ததாகவும் அவர் கூறினார். இந்த அரிய நிகழ்வை மருத்துவர்கள் ஒரு அற்புதம் என்று கருதுகின்றனர், தற்போது கெல்சியின் மனதிலிருந்து மரண பயம் முற்றிலும் நீங்கியுள்ளது.