பிரபல நடிகையான ராஷ்மிகா மந்தனா கடந்த 2016-ஆம் ஆண்டு கன்னடத்தில் ரிலீசான கிரிக் பார்ட்டி என்ற திரைப்படத்தில் நடித்து திரையுலகில் என்ட்ரி கொடுத்தார். அடுத்தடுத்த படங்களில் நடிக்க ராஷ்மிகாவுக்கு வாய்ப்பு கிடைத்தது. தெலுங்கில் விஜய் தேவர கொண்டாவுடன் ராஷ்மிகா இணைந்து நடித்த கீதா கோவிந்தம் திரைப்படம் பிளாக்பஸ்டர் ஹிட் ஆனது.
தமிழில் விஜய்க்கு ஜோடியாக வாரிசு திரைப்படத்தில் ராஷ்மிகா நடித்தார். தமிழ் மட்டுமில்லாமல் தெலுங்கு, கன்னடம், ஹிந்தி உள்ளிட்ட மொழி திரைப்படங்களில் ராஷ்மிகா நடித்துள்ளார். ரன்பீர் கபூருக்கு ஜோடியாக ஹிந்தியில் ராஷ்மிகா நடித்த அனிமல் திரைப்படம் நல்ல வரவேற்பு பெற்றது. பான் இந்தியா ஸ்டார் ராஷ்மிகா ரிஜெக்ட் செய்த படங்களும் இருக்கிறது. கடந்த 2021-ஆம் ஆண்டு தளபதி விஜய் நடிப்பில் மாஸ்டர் திரைப்படம் ரிலீஸ் ஆனது.
இந்த திரைப்படத்தில் விஜய் சேதுபதி வில்லனாக நடித்திருந்தார். சூப்பர் ஹிட் ஆன மாஸ்டர் திரைப்படத்தில் ராஷ்மிகாவை ஹீரோயினாக நடிக்க கேட்டுள்ளனர். ஒரு சில காரணங்களால் அவரால் நடிக்க முடியவில்லை. கடந்த 2022-ஆம் ஆண்டு சாகித் கபூர் நடிப்பில் ஹிந்தியில் ஜெர்சி திரைப்படம் ரிலீஸ் ஆனது. இந்த படத்தில் இருந்து ராஷ்மிகா ஒரு சில காரணங்களால் விலகிவிட்டார். அடுத்ததாக நெல்சன் திலீப் குமார் இயக்கத்தில் தளபதி விஜய் நடிப்பில் பீஸ்ட் திரைப்படம் ரிலீஸ் ஆனது.
இந்த திரைப்படத்தில் ராஷ்மிகாவை கதாநாயகியாக நடிக்க வைக்க யோசித்தனர். ஆனால் இந்த படத்திலும் ராஷ்மிகா நடிக்க மறுப்பு தெரிவித்துள்ளார். கேம் சேஞ்சர் என்ற தெலுங்கு திரைப்படத்திலும் நடிக்க ராஷ்மிகாவை பட குழுவினர் அணுகியுள்ளனர். அந்த படத்திலும் நடிக்க ராஷ்மிகா மறுப்பு தெரிவித்துள்ளார். இதனை தொடர்ந்து சஞ்சய் லீலாவின் பேரிடப்படாத ஒரு பாலிவுட் படத்தில் நடித்த டாஸ்மிகாவுக்கு வாய்ப்பு கிடைத்தது. அந்த படத்திலும் ஒரு சில காரணங்களால் ராஷ்மிகா நடிக்கவில்லை.
