ரொமான்ஸ் காட்சினா பயம் வந்துடும்…! அந்த விஷயத்துக்கு கண்டிப்பா NO சொல்லுங்க… ‘அருள்வான்’ பட விழாவில் ரம்யா பாண்டியன் ஓபன் டாக்…!!

இயக்குநர் கணேஷ் விநாயகன் இயக்கத்தில் ஆரவ், ரம்யா பாண்டியன், காளி வெங்கட், ஜான் விஜய் மற்றும் பேபி கிருத்திகா உள்ளிட்ட பலர் நடிப்பில், அருள்நிதி சிறப்புத் தோற்றத்தில் தோன்றிய ‘அருள்வான்’ திரைப்படம் சமீபத்தில் திரையரங்குகளில் வெளியாகி ரசிகர்கள் மத்தியில் கலவையான வரவேற்பைப் பெற்று வருகிறது. இத்திரைப்படத்தின் விளம்பர நிகழ்ச்சியில் கலந்து கொண்டு பேசிய நடிகை ரம்யா பாண்டியன், திரைப்படங்களில் காதலோ அல்லது நெருக்கமான இன்டிமேட் காட்சிகளோ வரும்போது தனக்குள்ளே மிகுந்த பயமும் நர்வஸும் வந்துவிடும் என்றும், அக்காட்சிகளில் சிறப்பாக நடித்து முடிக்க வேண்டும் என்பதற்காக மனதிற்குள் கடவுளை வேண்டிக் கொண்டுதான் நடிப்பேன் என்றும் வெளிப்படையாகத் தெரிவித்துள்ளார்.

எந்தவொரு தொழில் செய்தாலும் அதில் நமக்குச் சில பிடிக்காத விஷயங்கள் இருக்கத்தான் செய்யும்; அதற்காக வேலையை விட்டு விலகிவிடாமல் புத்திசாலித்தனமாக கையாள வேண்டும் என்று கூறிய அவர், கதையைக் கேட்கும் போதே விருப்பமில்லை என்றால் தயங்காமல் மறுப்புச் சொல்ல கற்றுக்கொள்ள வேண்டும் என்றும் அறிவுறுத்தினார். ‘முகிலன்’ என்ற இணையத் தொடரில் கார்த்திக் ராஜூவுடன் இணைந்து கவர்ச்சியான மற்றும் படுக்கையறை காட்சிகளில் துணிச்சலாக நடித்து கவனத்தைப் பெற்ற ரம்யா பாண்டியன், வாழ்க்கையில் பல விஷயங்களுக்கு ஒப்புக்கொள்வது போலவே, வேண்டாத இடத்திற்குத் தன்மானத்தை விட்டுக்கொடுக்காமல் ‘நோ’ சொல்வதும் மிக அவசியம் என அந்த நேர்காணலில் வலியுறுத்தியுள்ளார்.