“ஐயோ பாவம்…” ஒரே ஒரு நிமிட அலட்சியம்… அநியாமா பறிபோன உயிர்… இரண்டு அரசுப் பேருந்துகளுக்கு நடுவே நடந்த நெஞ்சை பிளக்கும் துயரம்… வைரலாகும் வீடியோ…!

உத்தரப் பிரதேசத்தின் ஹர்டோய் பகுதியில் நிகழ்ந்த கொடூரமான சாலை விபத்தில், 32 வயதான பெண் ஒருவர் பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது. இரண்டு அரசுப் பேருந்துகளுக்கு இடையே அப்பெண் நின்றுகொண்டிருந்தபோது, ஒரு பேருந்தின் ஓட்டுநர் சுற்றிலும் யாரேனும் இருக்கிறார்களா என்பதை கவனிக்காமல் திடீரென பேருந்தை முன்னோக்கி இயக்கியுள்ளார். இதனால், எதிர்பாராதவிதமாக இரண்டு பேருந்துகளுக்கும் இடையே சிக்கிய அப்பெண் படுகாயமடைந்து, சில நிமிடங்களிலேயே பரிதாபமாக உயிரிழந்தார்.

https://twitter.com/SaritaSahu_xyz/status/2080099785961537690/photo/1

இந்தத் துயரமான சம்பவத்திற்கு யார் பொறுப்பு என்ற கேள்வி தற்போது வலுவாக எழுந்துள்ளது. பேருந்து ஓட்டுநரின் அலட்சியப் போக்கா அல்லது ஆபத்தான வகையில் பேருந்துகளுக்கு இடையே நின்றதே காரணமா என்பது விசாரணைக்குப் பிறகே முழுமையாகத் தெரியவரும். இருப்பினும், சுற்றிலும் கவனிக்காமல் பேருந்தை இயக்கியிருந்தால் அது மன்னிக்க முடியாத அலட்சியமே ஆகும். அதேவேளையில், இதுபோன்று பேருந்துகளுக்கு இடையே நிற்பதைத் தவிர்ப்பது பயணிகள் மற்றும் பொதுமக்களின் பாதுகாப்புக்கு மிகவும் அவசியமாகும். இச்சம்பவம் குறித்து நியாயமான விசாரணை நடத்தப்பட்டு, தவறு செய்தவர்கள் மீது உரிய நடவடிக்கை எடுக்கப்படும் என்று எதிர்பார்க்கப்படுகிறது.