#image_title
சுந்தர் சி இயக்கத்தில் ரஜினிகாந்த், சவுந்தர்யா நடித்த படம் அருணாச்சலம். 30 நாளில் 30 கோடி ரூபாயை செலவு செய்ய வேண்டும் என்ற வித்யாசமான கதைக்கரு. இந்த படத்தில், விசுவின் மகளாக ரம்பா, ரஜினிக்கு செகரட்டரியாக நடித்திருப்பார். சமீபத்தில் ஒரு நேர்காணலில் அருணாச்சலம் படத்தில் நடித்த அனுபவம் குறித்து நடிகை ரம்பா கூறியதாவது, ரஜினியுடன் நடிக்க வேண்டும் என்பது பலரது கனவு. அந்த ஆசை எனக்கும் இருந்தது. சுந்தர் சி போனில் அழைத்து, அருணாச்சலம் படத்தில் நீங்கள் நடிக்க வேண்டும் என்று கூறி வாய்ப்பளித்தார். பெரிய சந்தோஷமாக இருந்தது.
ஐதராபாத்தில் அருணாச்சலம் ஷூட்டிங் நடந்த போது, பக்கத்தில் சல்மான்கான், ஜாக்கி செராப் நடித்த பந்தணன் என்ற இந்தி பட ஷூட்டிங் நடந்தது. அதில் நான் ஜாக்கி செராப்புக்கு தங்கையாகவும், சல்மான்கானுக்கு காதலியாகவும் நடித்தேன். காலையில் ரஜினி படத்திலும், மதியத்துக்கு பிறகு சல்மான்கான் படத்திலும் நடிப்பேன். ரஜினி ஷூட்டிங் பக்கத்து ஷெட்டில் நடப்பதை அறிந்து, சீனியர் நடிகர் என்ற மரியாதை நிமித்தமாக சல்மான்கான், ஜாக்கி செராப் அவரை பார்க்க வந்தனர். அப்போது அங்கிருந்த நான் ஓடிச்சென்று, சல்மான்கான், ஜாக்கி செராப்பை கட்டிப்பிடித்து வரவேற்றேன். ஏனெனில் அதுதான் பாலிவுட்டில் பழக்கம். அது பெரிய நடிகர்களை பார்க்கும்போது மரியாதையாக செய்யும் ஒரு விஷயம்.
அவர்கள் ரஜினியை சந்தித்து பேசிவிட்டு போன பிறகு ரஜினி சார் கோபமாக இருந்தார். கழுத்தில் கட்டியிருந்த துண்டை கழட்டி வீசிவிட்டு சுந்தர் சியிடம் கோபமாக ஏதோ பேசினார். ரம்பாவுடன் இனி நடிக்க மாட்டேன் என்று கூறிவிட்டார் போல தெரிந்தது. எனக்கு ஒன்றும் புரியவில்லை. அங்கிருந்த பலரும் என்னையே திரும்பி திரும்பி பார்த்தனர். அங்கிருந்த கேமராமேன் வந்து, ரஜினி சார் கோவிச்சுக்கிட்டார், ஏன் மேடம் இப்படி பண்ணுனீங்க என கேட்க, எனக்கு அழுகையே வந்துவிட்டது. நான் அழுவதை பார்த்து அங்கு ஓடோடி வந்த ரஜினி என்னை சமாதானப்படுத்தினார்.
பின்னர் காலையில் என்ன நடந்தது என அங்கிருந்தவர்களிடம் கேட்டார். அவர்கள் சல்மான்கான் வந்தபோது நான் கட்டிப்பிடித்ததை சொல்ல, இந்தி நடிகர்கள் வந்தா மட்டும் கட்டிப்பிடிச்சு வரவேற்பீங்க, நாங்க தமிழ் நடிகர்கள்னா, சும்மா வணக்கம் சொல்லி போயிடுவீங்க, தள்ளிப்போய் உட்கார்ந்து புக் படிப்பீங்க, ஆனா எங்களை கண்டுக்க மாட்டீங்க, நாளையில இருந்து ஷூட்டிங் செட்டுக்குள்ள வந்தா எல்லாரையும் வரிசையா நிற்க வைப்பேன். நானும் நிற்பேன். எல்லோரையும் கட்டிப்பிடிக்கணும் என கலாட்டா செய்துவிட்டார், என கூறியிருக்கிறார் ரம்பா.
ராஜஸ்தான் மாநிலத்தைச் சேர்ந்த அகில் குமார் சந்தக் என்பவர், கடந்த 2019-ஆம் ஆண்டு டெல்லியில் அசாம் மாநிலத்தைச் சேர்ந்த நூர்ஷிகா…
கேரள மாநிலம் கொச்சி பொன்னுருன்னி பகுதியில் உள்ள அடுக்குமாடிக் குடியிருப்பில் வசிக்கும் பிரபல மலையாள நடிகை அதுல்யா சந்திரா, 41…
நீலகிரி மாவட்டம் பில்லூர்மட்டம் சடையன் கொம்பை பகுதியைச் சேர்ந்த 14 வயது சிறுமி ஒருவர் திடீரென காணாமல் போனதாக கடந்த…
டெல்லி அரசுப் பேருந்து ஓட்டுநரிடம் வழித்தடம் பற்றிக் கேட்ட பெண் ஒருவர், திடீரென ஓட்டுநருடன் தகராறில் ஈடுபட்டு அவரது காலரைப்…
சென்னையை அடுத்த கொளத்தூர் ஜி.கே.எம் காலனி பகுதியில் அமைந்துள்ள டாஸ்மாக் மதுபான கூடத்தில், அண்ணன் மற்றும் தங்கை இருவரும் மதுபோதையில்…
திருப்பத்தூர் சட்டமன்றத் தொகுதியில் கடந்த தேர்தலில் திமுக சார்பில் போட்டியிட்டு குறைந்த வாக்கு வித்தியாசத்தில் தோல்வியடைந்த முன்னாள் அமைச்சர் கே.ஆர்.…