ஆண்டு ஆண்டாக சினிமாவில் அறிமுக இயக்குநர்களின் வருகை அதிகரித்து வருகிறது. பல அறிமுக இயக்குநர்கள் எடுக்கக்கூடிய படங்கள் எதிர்பார்த்ததை விட சூப்பர் டூப்பர் ஹிட் அடித்து விடும். அப்படி 2023-ல் அறிமுக இயக்குநர்களாக இருந்து சூப்பர் ஹிட் படங்களை கொடுத்த இயக்குநர்கள் மற்றும் அவர்களின் படங்கள் குறித்து பார்க்கலாம்.
1. கணேஷ்பாபு :
கவின், அபர்ணா தாஸ் முக்கிய கதாபாத்திரத்தில் கடந்த பிப்ரவரி மாதம் 10-ம் தேதி வெளியான படம் டாடா. இந்தப் படத்தை அறிமுக இயக்குநரும், நடிகர் கவினின் கல்லூரி கால நண்பருமான கணேஷ் பாபு இயக்கி இருந்தார். எப்போதும் கணவன் விட்டு சென்ற பிறகு மனைவி குழந்தைகளை வளர்க்க எவ்வளவு கஷ்டப்படுகிறார்கள் என்பதையே தமிழ் சினிமா எடுத்துக்கொண்டிருந்த வேளையில், அதனை மாற்றி தன்னை விட்டு சென்ற மனைவியை விடுத்து மகனை தனி ஆளாக வளர்க்கும் தந்தையின் கதையையும், இறுதியில் இந்த குடும்பம் எப்படி ஒன்றினைகிறது என்பதையும் உணர்வுபூர்வமாக காட்டியது டாடா படம்.
2. மந்திரமூர்த்தி :
சசிகுமார், ப்ரீத்தி அஸ்ரானி நடிப்பில் மார்ச் மாதம் 3-ம் தேதி வெளியான திரைப்படம் அயோத்தி. வட இந்தியாவில் இருந்து சுற்றுலா வந்த ஒரு குடும்பத்தில் குடும்பத் தலைவி இறந்து போக, அவரது உடலை அரசு விதிகளை கடந்து சொந்த ஊருக்கு எடுத்து செல்ல ஒரு ஆம்புலன்ஸ் டிரைவரான சசிகுமார் எவ்வாறு உதவுகிறார் என்பதை விளக்கிய இப்படம் உணர்வு ரீதியாக பெரும் தாக்கத்தை ஏற்படுத்தியிருந்தது.
3. விநாயக் சந்திரசேகரன் :
சாதாரண மனிதர்களுக்கு இருக்கக் கூடிய குறட்டையை மையமாக வைத்து, அது எப்படி ஒரு தனிப்பட்ட நபரின் வாழ்க்கையை பாதிக்கிறது என்பது குறித்து இப்படம் விளக்கியிருக்கிறது. மணிகண்டன், மீதா, ரமேஷ் திலக், பாலாஜி சக்திவேல் உள்ளிட்டோரின் நடிப்பில் கடந்த மே மாதம் 12-ம் தேதி வெளியானது குட்நைட் திரைப்படம். ஃபீல் குட் படமாக வெளியான இப்படம் ரசிகர்கள் மத்தியில் மிகுந்த வரவேற்பை பெற்றது.
4. விக்னேஷ் ராஜா :
சினிமாவில் எப்போதும் க்ரைம் திரில்லர் படங்களுக்கு மவுசு எப்போதும் குறைவதில்லை. அப்படி அசோக் செல்வன், சரத்குமார், நிகிலா விமல் உள்ளிட்டோர் நடிப்பில் கடந்த ஜூன் மாதம் 9-ம் தேதி வெளியானது போர் தொழில். இப்படத்தை அறிமுக இயக்குநர் விக்னேஷ் ராஜா இயக்கத்தில் வெளியான இப்படம் வசூல் ரீதியாகவும், விமர்சன ரீதியாகவும் வெற்றி பெற்றது.
5. ராம் சங்கையா :
கிராமம், கிராமத்து உறவுகளை சார்ந்த படங்களை ரசிகர்கள் விரும்புவர். அந்த வகையில் இந்தாண்டு ஜூன் மாதம் 23-ம் தேதி வெளியான திரைப்படம் தண்டட்டி. பசுபதி, ரோகிணி உட்பட பலர் நடிப்பில் உருவாகி இருந்த இந்தப் படத்தை ராம் சங்கையா இயக்கி இருந்தார். குடும்பங்கள் மத்தியில் இப்படம் வரவேற்பை பெற்றிருந்தது.
6. ராம்குமார் பாலகிருஷ்ணன் :
ஹரிஷ் கல்யாண், எம்.எஸ்.பாஸ்கர், இந்துஜா நடித்த ‘பார்க்கிங்’ படத்தைத் தந்தவர் ராம்குமார் பாலகிருஷ்ணன். சாதாரண பார்க்கிங் பிரச்சினையால் ஏற்படும் ஈகோ, எந்தளவுக்கு மனிதனை கொண்டு செல்கிறது என்பதை அளவாக, அழகாகத் திரைக்கதையாக்கி இருந்தார் இயக்குநர். இப்படம் டிசம்பர் மாதம் 1-ம் தேதி வெளியானது குறிப்பிடத்தக்கது.
7. டி.அருள் செழியன் :
விதார்த், யோகிபாபு நடித்த ‘குய்கோ’ படத்தை இயக்கிய அருள் செழியன், பிரீஸர் பாக்ஸ் பின்னணியில், ஒரு காமெடி கதையை அழகாகச் கூறியிருந்தார். உணவர்வுகள் மிகுந்த இந்தப் படத்தை வெறும் காமெடி படம் எனக் கூறிவிட முடியாது.
8. ஹரிஹரன் ராம் :
நடிகர் ரியோ ராஜ் நடிப்பில் உருவாகி இருந்த ஜோ படத்தை இயக்கியவர் ஹரிஹரன் ராம். கல்லூரி காதல், மோதல், விருப்பமில்லாமல் திருமணம் செய்து கொண்டவர்களின் மனப்போராட்டம் ஆகியவற்றை ரசனையாகக் கொண்டிருந்தது இப்படம்.
9. ரவி முருகையா :
விதார்த், சரவணன் நடிப்பில் கடந்த 23-ம் தேதி வெளியான திரைப்படம் ஆயிரம் பொற்காசுகள். ஒரு புதையல், கிராமத்துக்குள் கொண்டு வரும் வில்லங்கத்தை லாஜிக்கான நகைச் சுவையோடு இப்படத்தில் கூறியிருந்தார் இயக்குநர் ரவி முருகையா.
10. ரா.வெங்கட் :
காளி வெங்கட், பூ ராமு நடித்த கிடா படத்தை இயக்கி இருந்தார் ரா.வெங்கட். பேரனின் ஆசையை நிறைவேற்ற வறுமையில் இருக்கும் தாத்தா என்ன செய்கிறார் என்பதை அசலான வாழ்க்கை மூலம் இப்படத்தில் எடுத்துரைத்திருந்தார் இயக்குநர்.
தமிழ் சினிமாவில் மிகவும் பிரபலமான காமெடி நடிகர்களில் ஒருவராக வலம் வருபவர் தாடி பாலாஜி. தமிழ் சினிமாவில் வடிவேலு மற்றும்…
பிரபல இசையமைப்பாளரான ஜி.வி பிரகாஷ் வெயில் திரைப்படத்தின் மூலம் திரையுலகில் தனது பயணத்தை ஆரம்பித்தார். முதல் படத்திலேயே அவரது இசை…
ஜிடி நாயுடு என்று பெருமையாக அழைக்கப்படும் திரு கோபால்சாமி துரைசாமி நாயுடு தமிழகம் தந்த அறிவியல் மாமேதை. இயந்திரவியல் மற்றும்…
2015 ஆம் ஆண்டு நிவின்பாலி நடிப்பில் வெளியான பிரேமம் திரைப்படத்தில் செலின் என்கின்ற கதாபாத்திரத்தில் நடித்து சினிமாவிற்கு அறிமுகமானவர் மடோனா…
தமிழ் சினிமாவில் நெடுநல்வாடை டாணக்காரன் உள்ளிட்ட திரைப்படங்களில் நடித்து பிரபலமான அஞ்சலி நாயர் வெளியிட்டுள்ள புகைப்படங்கள் இணையத்தில் வெளியாகி வைரலாகி…
'நவரச நாயகன்' என்று அனைவராலும் செல்லமாக அழைக்கப்படும் கார்த்திக், பாரதிராஜா இயக்கத்தில் வெளிவந்த அலைகள் ஓய்வதில்லை என்ற படத்தின் மூலமாக…