முதலமைச்சர் விஜய் தலைமையிலான புதிய தவெக அரசில் காங்கிரஸ் கட்சி கூட்டணி ஆட்சியில் பங்கேற்றிருப்பது குறித்த விமர்சனங்களுக்கு, தமிழக சுற்றுலாத்துறை அமைச்சர் ராஜேஷ்குமார் அதிரடியாகப் பதிலடி கொடுத்துள்ளார். காங்கிரஸ் கட்சி தொடர்ந்து கூட்டணி ஆட்சி வேண்டும் என்றுதான் கேட்டு வந்திருக்கிறது என்று சுட்டிக்காட்டியுள்ள அவர், கடந்த 1996 மற்றும் 2006-ஆம் ஆண்டுகளில் காங்கிரசுக்கு ஆட்சியில் பங்கு பெற பல வாய்ப்புகள் தேடி வந்த போதிலும், அன்றைய காலகட்டத்தில் தங்களது தோழமைக் கட்சி சிறப்பாக ஆட்சி தர வேண்டும் என்பதற்காக வெளியிலிருந்து மட்டுமே முழுமையான ஆதரவைக் கொடுத்ததாகக் குறிப்பிட்டுள்ளார்.
இருப்பினும், ‘பெருந்தலைவர் காமராஜர் ஆட்சி’ மீண்டும் வர வேண்டும் என்பதும், ஆட்சியில் பங்கு மற்றும் அதிகாரத்தில் பங்கு வேண்டும் என்பதும் ஒட்டுமொத்த காங்கிரஸ் தொண்டர்களின் நீண்ட கால விருப்பமாக இருந்ததால், அது தற்போது தவெக ஆட்சியில் நிறைவேறியுள்ளது என்று அவர் நெகிழ்ச்சியுடன் கூறியுள்ளார். மேலும், தற்போது ஆட்சியில் அங்கம் வகிப்பதால் தங்களுக்கு எந்தவிதமான அழுத்தங்களோ, நிர்பந்தங்களோ அல்லது பிற அமைச்சர்களின் தலையீடுகளோ கிடையாது என்றும், முழு வெளிப்படைத்தன்மையோடு தங்களது துறையை மக்கள் நலனுக்காகவும், கட்சியை வளர்ப்பதற்காகவும் முழுமையாகப் பயன்படுத்தப்போவதாகவும் அமைச்சர் ராஜேஷ்குமார் தனது அறிக்கையில் தெளிவாகக் குறிப்பிட்டுள்ளார்.