இவரு மட்டும் யோக்கியனா..? 200 ரூபா டிக்கெட்டை 2000 ரூபாய்க்கு விக்குறாங்களே… விஜயை கிழித்து தொங்கவிட்ட ராஜேந்திரபாலாஜி..!!

அதிமுகவை “ஊழல் கட்சி” எனத் த.வெ.க தலைவர் விஜய் விமர்சித்ததற்கு, அதிமுக முன்னாள் அமைச்சர் கே.டி. ராஜேந்திர பாலாஜி பதிலடி கொடுத்துள்ளார். அதிமுகவை ஊழல் கட்சி என்று சொல்பவர்கள், 200 ரூபாய் சினிமா டிக்கெட்டை 2,000 ரூபாய்க்கு பிளாக்கில் விற்பனை செய்வதை நியாயப்படுத்துகிறார்களா என்று ராஜேந்திர பாலாஜி கேள்வி எழுப்பியுள்ளார். எம்.ஜி.ஆர் திரையில் மட்டுமே நடிகராக இருந்தார். ஆனால் இன்றைய நடிகர்கள் அரசியலிலும் நடித்துக் கொண்டிருக்கிறார்கள் என்றும், நேர்மையும் உண்மையும் இல்லாத இத்தகைய அரசியல்வாதிகளை மக்கள் ஒருபோதும் ஏற்றுக்கொள்ள மாட்டார்கள் என்றும் அவர் சாடியுள்ளார்.

அதிமுக மற்றும் பாஜக இடையிலான உறவு குறித்துப் பேசிய அவர், இது தமிழக நலனுக்கான ஒரு நட்பு ரீதியான உறவு என்று விளக்கமளித்துள்ளார். மத்திய அரசிடமிருந்து மாநிலத்திற்குத் தேவையான நிதியைப் பெற்றுத் தரும் உரிமையும் கடமையும் எடப்பாடி பழனிசாமிக்கு உண்டு என்றும், கோரிக்கைகளை நிறைவேற்றும் இடத்தில் பிரதமர் மோடி இருப்பதாகவும் அவர் தெரிவித்துள்ளார். வரும் 2026 தேர்தலில் அதிமுக மகத்தான வெற்றி பெற்று எடப்பாடி பழனிசாமி மீண்டும் முதலமைச்சராவார் என்றும் அவர் உறுதிபடக் கூறியுள்ளார்.