சன் பிக்சர்ஸ் தயாரிப்பில் அட்லி டைரக்ட் செய்யும் படம் கன்பார்ம்.. படத்தில் ஹீரோ யாருன்னு தெரியுமா..?

ராஜா ராணி படம் மூலம் தமிழ் சினிமாவில் இயக்குநராக அறிமுகமானவர் அட்லி. முதல் படத்திலேயே ரசிகர்களின் மனம் கவர்ந்தார். இதில் ஆர்யா, நயன்தாரா, ஜெய், நஸ்ரியா, சத்யராஜ், சந்தானம் நடித்திருந்தனர். இந்த படம் மாபெரும் வெற்றி பெற்றது. இதற்கு முன் இயக்குநர் ஷங்கரிடம் பல படங்களில் உதவி இயக்குநராக இருந்தவர் அட்லி என்பது குறிப்பிடத்தக்கது. முதல் படத்தின் வெற்றியை தொடர்ந்து அடுத்து விஜய் நடிப்பில் மூன்று வெற்றி படங்களை அட்லி கொடுத்தார். தெறி, மெர்சல், பிகில் என்ற அந்த மூன்று படங்களுமே மாஸ் படங்களாக விஜய்க்கும் அமைந்தது. அட்லி தொடர் வெற்றி படங்களை கொடுத்ததால், தமிழ் சினிமா ரசிகர்கள் மத்தியில் பலத்த வரவேற்பை பெற்ற இயக்குநராக மாறினார்.

தமிழ் படங்களை இயக்கி வந்த அட்லி, பாலிவுட் ஸ்டார் நடிகர் ஷாருக்கான் அழைப்பின் பேரின் மும்பைக்கு சென்றார். பதான் என்ற பிளாக் பஸ்டர் மூவியை கொடுத்திருந்த ஷாருக்கான் அடுத்து, தனது ஜவான் படத்தை இயக்கும் வாய்ப்பை, அட்லிக்கு கொடுத்தார். விஜய் சேதுபதி, நயன்தாரா, பிரியாமணி, யோகிபாபு உள்ளிட்ட நடிகர்கள் பாலிவுட்டில் அறிமுகமான ஜவான் படம், இந்தியில் மாபெரும் வரவேற்பை பெற்றது. 1150 கோடி ரூபாய் வசூலை குவித்து, வேற லெவலில் அட்லிக்கு வெற்றியை கொடுத்தது.

இதையடுத்து மும்பையில் சொந்த வீடு வாங்கி குடும்பத்துடன் குடியேறிவிட்ட அட்லி, 40 கோடி ரூபாய் செலவில் புதிய அலுவலகமும் திறந்துவிட்டார். இந்நிலையில், அட்லி இயக்கும் அடுத்த படம் குறித்த தகவல்கள் வெளியாகி உள்ளது. அதன்படி அட்லி இயக்கும் அடுத்த படத்தை தயாரிக்க போவது சன் பிக்சர்ஸ் நிறுவனம் என்பது 100 சதவீதம் உறுதியாகி விட்டது. இந்த படத்தின் ஹீரோ அல்லு அர்ஜூனா, அல்லது ஷாருக்கானா என்பதுதான் இப்போது கேள்விக்குறியாக உள்ளது.

ஏனெனில் ஷாருக்கான் அவரது படங்களை, தனது சொந்த பட தயாரிப்பு நிறுவனம் மூலம் தயாரிப்பது வழக்கம். ஜவான் படம் கூட, அதனால்தான், சன் பிக்சர்ஸ் நிறுவனம் தயாரிக்க முடியாமல் போனதாக தெரிய வந்துள்ளது. எனினும் ஸ்கிரிப்ட் எழுத துவங்கி விட்டார் அட்லி. இன்னும் 3, 4 மாதங்களில் அட்லி தனது படத்தை துவங்கி விடுவார் என்றும் உறுதியாகி உள்ளது. ஹீரோ ஷாருக்கானா, அல்லு அர்ஜூனா என்பதும் விரைவில் முடிவாகி விடும்.