“என்ன பண்ணீங்க?”… 10-ல் 1 மட்டுமே சக்சஸ்.. மா.செ-க்களை அழைத்து செய்த ‘அந்த’ காரியம்.. கேப்டன் பாணியில் அதிரடி காட்டிய பிரேமலதா விஜயகாந்த்..!

நடந்து முடிந்த தமிழக சட்டமன்றத் தேர்தலில், திமுக கூட்டணியில் 10 தொகுதிகளில் களம் கண்ட தேமுதிக, வெறும் ஒரு தொகுதியில் மட்டுமே வெற்றி பெற்று கடுமையான சறுக்கலைச் சந்தித்துள்ளது. தேர்தல் முடிவுகள் வெளியாகி புதிய அரசு அமைந்துள்ள சூழலில், தேமுதிக கூட்டும் முதல் அதிகாரப்பூர்வ உள்கட்சி ஆலோசனைக் கூட்டம் இது என்பதால் அரசியல் வட்டாரங்களில் இக்கூட்டம் மிகுந்த கவனம் பெற்றுள்ளது. கட்சியின் பொதுச் செயலாளர் பிரேமலதா விஜயகாந்த் தலைமையில் நடைபெறும் இக்கூட்டத்தில், பொருளாளர் எல்.கே.சுதீஷ், இளைஞரணி செயலாளர் வி.விஜயபிரபாகரன் மற்றும் தமிழகம் முழுவதிலும் இருந்து வந்த மாவட்டச் செயலாளர்கள் பங்கேற்றுள்ளனர்.

இக்கூட்டத்தில் குறிப்பாக 3 முக்கிய அம்சங்கள் குறித்து விரிவாக விவாதிக்கப்பட்டு வருகிறது. கடந்த தேர்தலில் கட்சியின் வாக்கு வங்கி குறைந்ததற்கான காரணங்கள், கூட்டணி பலம் மற்றும் ஒவ்வொரு மாவட்டத்திலும் நிர்வாகிகள் ஆற்றிய பணிகள் குறித்து மண்டல வாரியாகப் பிரேமலதா விஜயகாந்த் தீவிர ஆய்வு மேற்கொண்டு வருகிறார். தேர்தலில் தொய்வாகச் செயல்பட்ட மாவட்டங்களில் அதிரடியாக நிர்வாக மாற்றங்கள் செய்வது, புதிய முகங்களுக்குப் பொறுப்புகளை வழங்குவது மற்றும் கட்சியின் கட்டமைப்பை அடிமட்ட அளவில் பலப்படுத்துவது குறித்து முக்கிய முடிவுகள் எடுக்கப்பட உள்ளதாகத் தெரிகிறது.

தேர்தல் முடிவுகள் இறுதியானவை அல்ல, அரசியல் களம் எப்போதும் மாறக்கூடியது என்ற நோக்கில் அடுத்ததாக வரவிருக்கும் உள்ளாட்சித் தேர்தலை எதிர்கொள்வது மற்றும் கட்சியின் பொதுக்குழுவைக் கூட்டுவது குறித்தும் இக்கூட்டத்தில் ஆலோசிக்கப்படுகிறது. சரிவிலிருந்து மீண்டு கட்சியின் எதிர்காலப் பயணத்தை வடிவமைக்கவும், தொண்டர்களை மீண்டும் உற்சாகப்படுத்தவும் பிரேமலதா விஜயகாந்த் எடுக்கும் இந்த அதிரடி முடிவுகள் மற்றும் கட்சியின் புதிய உத்திகள் என்னென்ன என்பது இன்று வெளியாகவுள்ள அதிகாரப்பூர்வ தீர்மானங்களின் மூலம் தெரியவரும்.